ગોલ્ડ માર્કેટમાં આ વર્ષે સોનાના ભાવ 2011ની સરખામણીએ પણ વધ્યા છે. આ વર્ષે થનારા સોનાના ભાવમાં રેકોર્ડજનક ભાવ વધારામાં અનેક બાબતો સામેલ છે. મળતી માહિતી અનુસાર સોનામાં આ વધારાનું કારણ મૌદ્રિક નીતિ, રિયલ યીલ્ડ્સમાં ઘટાડો, એક્સચેન્જ ટ્રેડેડ ફંડ્સમાં રેકોર્ડ ઈન ફ્લો અને એસેટ એલોકેશનમાં વધારાના કારણે જોવા મળી રહ્યો છે. આશા રાખવામાં આવી રહી છે કે જો આવનારા 6થી 9 મહિનામાં હજુ પણ ભાવમાં વધારો થશે અને હવે રેકોર્ડ સ્તર સુધી પહોંચશે. આ વાતની શક્યતા રાખવામાં આવે છે કે આવનારા 3થી 5 મહિનામાં આંતરરાષ્ટ્રિય બજારમાં તે 2 હજાર પ્રતિ ડોલક પ્રતિ આઉંસને પાર જશે.
સોનાના ભાવમાં થઈ રહ્યો છે રેકોર્ડજનક વધારો
આ કારણોને લઈને વધી રહ્યા છે સોનાના ભાવ
આવનારા સમયમાં હજુ પણ ભાવ વધારાની શક્યતા
ચાંદીના ભાવમાં પણ વધારાનું અનુમાન
જાણકારોનું કહેવું છે કે દરેક જી-10 દેશો અને બજારોમાં જોઈએ તો સોનાના ભાવમાં વધારો થયા બાદ પણ તે નવા રેકોર્ડ સ્તરે પહોંચ્યો છે. તેમનું કહેવું છે કે સમયની વાત છે કે આ સમયે હવે એક નવા રેકોર્ડ પર પહોંચશે. બ્લૂમબર્ગે પોતાના એક રિપોર્ટમાં કહ્યું છે કે સોનાની માંગ કરતાં ચાંદીની કિંમતોમાં વધારો જોવા મળે તે શક્ય છે. હાલમાં જ ન્યૂયોર્કમાં તે 3 વર્ષનો નવો રેકોર્ડ બનાવી ચૂકી છે.
આ વર્ષે 19 ટકા મોંઘું થયું છે સોનું
બુલિયન માર્કેટ પર નજર કરીએ તો દુનિયાભરમાં કોરોના વાયરસના વધતા કેસ અને અર્થવ્યવસ્થા પર વધુ અસર થવાના કારણે ભાવમાં નવો રેકોર્ડ નોંધાયો છે. 2011 બાદ આ વર્ષે સ્પોટ ગોલ્ડમાં 19 ટકાનો વધારો થયો છે. આ વધારો અત્યારની મહામારીની વચ્ચે રોકાણકારો દ્વારા સુરક્ષિત રોકાણના વિકલ્પને વેગ મળવાના કારણે થયું છે. જો કે કેટલાક રિપોર્ટમાં અત્યારની અર્થવ્યવસ્થાની ઝાંખી પણ જોવા મળી રહી છે.
સોમવારે આવા રહ્યા હતા સોના ચાંદીના ભાવ
સોમવારે દિલ્હીના સર્રાફા બજારમાં સોનાનો નવો ભાવ 31 રૂપિયા પ્રતિ 10 ગ્રામ એટલે કે 49,916 રૂપિયા રહ્યો હતો. જ્યારે ચાંદીની કિંમતમાં પણ સોમવારે 51 રૂપિયાનો ઘટાડો પ્રતિ કિલોગ્રામ નોંધાયો હતો. ત્યારબાદ નવા ભાવ 53948 રૂપિયા આવ્યો હતો. આંતરરાષ્ટ્રિય બજારમાં ચાંદીનો નવો ભાવ 19.32 ડોલર પ્રતિ આઉંસ રહ્યો હતો. અહીં આજે સોનાનો ભાવ 1809 ડોલર પ્રતિ આઉંસ રહ્યો છે.
અનેક દેશોમાં નવા રાહત પેકેજ પર વિચાર
બંને કિંમતમાં ધાતુમાં વીતેલા 6 અઠવાડિયાથી સતત વધારો જોવા મળી રહ્યો છે. યૂરોપીયન યૂનિયનની 4 સરકારોએ મોટા રાહત પેકેજ પર વિાચર કરવાનું શરૂ કર્યું છે. અમેરિકામાં નાણાંકીય પેકેજ માટે વાત ચાલી રહી છે. આવનારા અઠવાડિયે અમેરિકી ફેડરસ રિઝર્વની બેઠક થશે. એવામાં આશા રાખવામાં આવી રહી છે કે હાલના સંકટમાં કોઈ મોટી જાહેરાત કરવામાં આવે.