એલન મસ્કે ટ્વિટરની બાગડોર સંભાળી ત્યારથી કંપની સમાચારમાં રહી છે. હવે #RIPTwitter ટ્વિટર પર ટ્રેન્ડ કરી રહ્યું છે, જેની સાથે લોકો ઘણા બધા મીમ્સ શેર કરી રહ્યા છે.
એલન મસ્ક ટ્વિટરની ડીલ બાદ સતત ચર્ચામાં
મસ્ક કંપનીમાં સતત ફેરફાર કરી રહ્યા છે
#RIPTwitter ટ્વિટર પર ટ્રેન્ડ કરી રહ્યું છે
એલન મસ્કે ટ્વિટરની બાગડોર સંભાળી ત્યારથી કંપની સમાચારમાં રહી છે. મસ્ક સતત તેમાં ફેરફાર કરી રહ્યો છે. પરંતુ કંપનીના કર્મચારીઓથી લઈને ટ્વિટર યુઝર્સને મસ્કના આ બદલાવ બહુ પસંદ નથી આવ્યા. મસ્કએ બ્લુ ટિક માટે ચૂકવણીની જાહેરાત કરી ત્યારથી સેલિબ્રિટીઓએ ટ્વિટર છોડી દીધું છે, જ્યારે સામૂહિક છટણી અને લાંબા કામના કલાકોની વ્યાપક ટીકા થઈ રહી છે. તમને જણાવી દઈએ કે, ટ્વિટર તેની ઓફિસો તાત્કાલિક અસરથી થોડા સમય માટે બંધ કરી રહ્યું છે. અહેવાલ મુજબ, 21 નવેમ્બરથી ટ્વિટરની ઓફિસો ફરીથી ખોલવામાં આવશે. આવી સ્થિતિમાં, #RIPTwitter ટ્વિટર પર ટ્રેન્ડ કરી રહ્યું છે , જેની સાથે લોકો ઘણા બધા મીમ્સ શેર કરી રહ્યા છે. મસ્કે પોતે પણ એક મીમ્સ શેર કર્યો જેમાં તમે 'Twitter's grave' જોઈ શકો છો.