આફ્રિકા સળગ્યું / VIDEO : આફ્રિકામાં તોફાનો ફાટી નીકળ્યાં, ગુજરાતીઓની દુકાનોમાં લૂંટફાટ અને આગચંપી, અહીં પરિવાર ચિંતામાં

• જહોનિસ બર્ગમાં પણ ફાટી નીકળી હિંસા 
• અશ્ચવેતો દ્વારા ગુજરાતીઓની દુકાનોમાં લૂંટફાટ અને આગચંપી
• દક્ષિણ આફ્રિકામાં ચરોતરના અનેક યુવાનો કરે છે વસવાટ
• દક્ષિણ આફ્રિકામાં વસવાટ કરનારા યુવાનોના પરિવારોમાં ચિંતા
• ચરોતરમાં રહેતા પરિવારોમાં યુવાનોને લઇને ચિંતા

રાજધાની જોહાનિસબર્ગમાં હજારો લોકો શેરીઓમાં ઉમટી પડ્યાં હતા તથા દેખાવ કર્યો હતો. લોકો હિંસા પર ઉતરી આવ્યાં હતા તથા પૂર્વ રાષ્ટ્રપતિ જુમાને છોડી મૂકવાની માંગણી કરવા લાગ્યા હતા. હિંસામાં અત્યાર સુધી છ લોકોના મોત થયા છે અને સેંકડો લોકો ઘાયલ થયા હોવાનું જણાવાય છે.

The situation in South Africa right now. Irreversible economical damages, looting and violence across the country.#SouthAfricaIsBurning #SouthAfrica pic.twitter.com/S7v1zfzTyr

— Zamvibe (@zamvibe) July 12, 2021

હિંસા વકરતા સરકારે લશ્કરે ઉતાર્યું
સાઉથ આફ્રિકન સરકારે હિંસાને ધ્યાનમાં રાખીને શહેરમાં લશ્કર ઉતારી દીધું છે. ઠેકઠેકાણે મિલિટરીના જવાનો અને પ્રદર્શનકારીઓ સાથે ઝપાઝપી થઈ હોવાની પણ ખબર છે. સાઉથ આફ્રિકાની ડિફેન્સ ફોર્સિસે જારી કરેલા નિવેદનમાં એવું જણાવાયું કે મિલિટરીની હાજરીથી પોલીસ અને કાયદા પાલનની બીજી એજન્સીઓને કામ સરળ બની જશે. તેઓ તેમની બંધારણીય ફરજો બજાવી શકશે. દેશની આર્થિક રાજધાની ગણાતા ગૌતંગ અને ક્વાઝુલુ નાતાલ વિસ્તારમાં હિંસાની સૌથી વધારે અસર પડી છે. અહીં લોકો બેફામ બન્યા હતા તથા ઠેકઠેકાણે આગચંપી કરી હતી. 

Many shops were looted on Sunday as sporadic acts of violence continues in #Johannesburg after pro-Jacob Zuma protests flared up in South Africa. pic.twitter.com/oNDHGLYWTM

— Live From Somalia (@Tuuryare_Africa) July 11, 2021

અશ્ચવેતો દ્વારા ગુજરાતીઓની દુકાનોમાં લૂંટફાટ અને આગચંપી
ઉલ્લેખનીય છે કે સાઉથ આફ્રિકા અને રાજધાની જોહાનિસબર્ગમાં ગુજરાતના ચરોતરના રહેવાશીઓ મોટી સંખ્યામાં વસવાટ કરે છે. હિંસા દરમિયાન અશ્ચવેતોએ ગુજરાતીઓની દૂકાનોમાં લૂંટફાટ ચલાવી હતી તથા આગપંચી કરી હતી. દક્ષિણ આફ્રિકામાં ચરોતરના અનેક યુવાનો  વસવાટ કરે છે. તેને કારણે ચરોતરના લોકોમાં ચિંતાનુ મોજૂ પ્રસર્યું છે. 

શું છે ઘટના
પૂર્વ રાષ્ટ્રપતિ જેકોબ જુમાએ પોતાના નવ વર્ષના શાસનમાં દરમિયાન થયેલા ભ્રષ્ટાચારની તપાસ કરાવવાનો ઈન્કાર કરીને કોર્ટની અવમાનના કરી હોવાનો આરોપ લાગ્યો હતો. કોર્ટની અવમાનના કેસમાં તેમની સામે કેસ ચલાવાયો હતો અને તેમને 15 મહિનાની જેલની સજા થઈ હતી બસ આ ઘટનાને કારણે ત્યાં હિંસા ફાટી નીકળી છે.