IPL 2022 / VIDEO: T-સાઇન બતાવ્યા વગર પિચ પર ઊભો રહ્યો ખેલાડી, અમ્પાયરે કહ્યું પવેલિયન ભેગો થા ભાઈ!

• આઉટ થયા બાદ પણ રિંકૂ સિંહ મેદાનમાં કરતા રહ્યા વાત 
• અમ્પાયર સાથે પણ દલીલો કરતા જોવા મળ્યા રિંકૂ સિંહ 
• કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે હતી મેચ 

આઉટ થયા બાદ પણ રિંકૂ સિંહ મેદાનમાં કરતા રહ્યા વાત 

કહેવાય છે કે સમય બળવાન હોય છે અને સફળ થવું હોય તો સમય સાથે ચાલવું પડે છે. કંઈક આવું જ થયું IPL 2022માં કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચેની મેચમાં. કોલકાતા નાઈટરાઈડર્સનાં રિંકૂ સિંહ આઉટ જાહેર થયા બાદ પણ સાથી બેટ્સમેન સેમ બિલીંગ્સ સાથે વાત કરતા રહ્યા, જ્યારે DRS માટે નિર્ધારિત 15 સેકન્ડનો સમય પૂરો થઇ ગયો. ત્યાર બાદ તેઓ મેદાન પર અમ્પાયરથી દલીલ કરતા જોવા મળ્યા અને મેચ અટકાયેલ રહી. 

pic.twitter.com/Xe3nFEdr8R

— Aditya Kukalyekar (@adikukalyekar) May 14, 2022

અમ્પાયર સાથે પણ દલીલો કરતા જોવા મળ્યા રિંકૂ સિંહ 

આ બધું થયું 12મી ઓવરનાં ત્રીજા બોલ પર. સ્વિંગનાં સુલતાન તરીકે ઓળખાતા ટી. નટરાજને યોર્કર લેન્થ બોલ નાંખ્યો, જે સીધો સ્ટમ્પ્સથી થોડા અંતરે પહેલા પડ્યો અને ટપ્પો ખાઈને સીધો પેડ પર વાગ્યો. નટરાજન અને હૈદરાબાદનાં ખેલાડીઓની જબરદસ્ત અપીલ પર અમ્પાયરે આંગળી ઉઠાવી દીધી. અહી રિંકૂ સિંહ અને સેમ બિલીંગ્સ કંઈક વાતચીત કરતા જોવા મળ્યા. 

આ વચ્ચે અમ્પાયર અનિલ કુમાર ચૌધરીએ જાણકારી આપી કે DRS માટે સમય કાઢવામાં આવ્યો છે. અહી રિંકૂ સિંહ અમ્પાયર સાથે વાતચીત કરતા પણ જોવા મળ્યા. તેઓ એ પ્રકારનો વ્યવહાર કરી રહ્યા હતા, જેમકે તેમણે DRSનો ઈશારો કર્યો હોય, પરંતુ આવું હતું નહીં. આના પર કમેન્ટેટર્સ પણ ચોંકી ગયા. થોડી વાર સુધી મેચ રોકાયેલ રહી અને આખરે રિંકૂ સિંહે પાછું ફરવું પડ્યું. 

pic.twitter.com/o9LMWgiGWC

— Aditya Kukalyekar (@adikukalyekar) May 14, 2022

કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે હતી મેચ 

જો મેચની વાત કરીએ તો કોલકાતા નાઈટ રાઈડર્સે ટોસ જીતીને પહેલા બેટિંગ કરતા નિર્ધારિત 10 ઓવરમાં 6 વિકેટ ગુમાવીને 177 રન બનાવ્યા. આ માટે આંદ્રે રસેલે સૌથી વધારે 28 બોલ પર 4 સિક્સર અને 3 ચોક્કાની મદદથી 49 રન બનાવ્યા, જ્યારે ઉમરાન મલિકે 3 વિકેટ લીધી.