બિઝનેસ / માર્કેટ કેપ 10 લાખ કરોડને પાર કરનારી રિલાયન્સ ઇન્ડસ્ટ્રીઝ દેશની પ્રથમ કંપની બની

• RIL દેશની નંબર 1 કંપની બની
• ગયા અઠવાડિયે કંપનીનું માર્કેટ કેપ 9.50 લાખ કરોડ હતું
• આજે RILનું માર્કેટ કેપ 10 લાખ કરોડને પાર પહોંચ્યું

RILના શેરમાં આવ્યો ઉછાળો

ગુરુવારની સવારે લગભગ 10.35 મિનિટે રિલાયન્સ ઈન્ડસ્ટ્રીના શેર 1575.66ના અંકે પહોંચ્યા હતા. તેમાં 5.80 અંક એટલે કે 0.37 ટકાનો વધારો જોવા મળ્યો હતો. છેલ્લા કારોબારી દિવસે રિલાયન્સ ઈન્ડસ્ટ્રીનો શેર 1569.85ના અંક સાથે બંધ થયો હતો. જ્યારે શરૂઆતમાં તે 1572.65ના અંક સાથે ખૂલ્યો હતો.

અન્ય સ્થાન પર છે ટીસીએસ

રિલાયન્સ ઈન્ડસ્ટ્રીઝ પછી ટાટા કંસલટન્સી સર્વિસના શેર સૌથી વધારે છે. ટીસીએસનું બજાર લગભગ 7.81 લાખ કરોડનું છે. 18 ઓક્ટોબરે કંપની 9 લાખ કરોડના માર્કેટ કેપ સુધી પહોંચી હતી. આ રીતે 1 મહિનામાં રિલાયંસે પોતાના માર્કેટ કેપમાં એક લાખ કરોડને પાર કરીને સિદ્ધિ મેળવી છે. ગયા વર્ષે ઓગસ્ટમાં પણ રિલાયન્સ ઈન્ડસ્ટ્રીએ રેકોર્ડ બનાવ્યો હતો જ્યારે કંપનીનું માર્કેટ કેપ પહેલી વાર આઠ લાખ કરોડને પાર પહોંચ્યું હતું.

છેલ્લા 33 મહિનામાં રિલાયન્સ ઈન્ડસ્ટ્રીનું માર્કેટ કેપ 6 લાખ કરોડ રૂપિયા વધ્યું છે.

માર્કેટ કેપના આધારે ભારતની 10 મોટી કંપનીઓ