ભારતમાં ચાલી રહેલા ખેડૂતોના આંદોલનને પગલે વિદેશી ષડયંત્ર પર ભારત સરકાર દ્વારા ચેતવણી આપવામાં આવી છે ત્યારે રિહાના દ્વારા કરાયેલ ટ્વિટ પર મોટો ખુલાસો થયો છે.
ખેડૂતોના સમર્થનમાં આવી હતી અમેરિકાની પોપ સિંગર રિહાના
રિહાનાએ એક ટ્વિટ માટે 18 કરોડ રૂપિયા લીધા હોવાનો ઘટસ્ફોટ
ગ્રેટા થનબર્ગ દ્વારા શેર કરવામાં આવેલ ટૂલકીટથી પણ થયા મોટા ખુલાસા
છેલ્લા ઘણા સમયથી ભારતમાં ખેડૂતો દ્વારા આંદોલન કરવામાં આવી રહ્યું છે અને હવે આંદોલન પર વિદેશની ઘણી બધી હસ્તીઓ સમર્થનમાં આવી ગઈ છે. ત્યારે ભારતના બધા જ કલકારોએ એક સૂરે આ લોકોનો વિરોધ કર્યો અને ખેડૂત આંદોલનને ભારતનો આંતરિક મામલો ગણાવ્યો.
ટૂલકીટના કારણે ષડયંત્રનો થયો હતો ખુલાસો
નોંધનીય છે કે ખેડૂતોના આંદોલનના સમર્થનમાં પર્યાવરણની કાર્યકર ગ્રેટા થનબર્ગ ખૂલીને સામે આવી હતી પરંતુ એક ટ્વિટ બાદ થનબર્ગ બાદ તેના પર ગંભીર સવાલો ઊભા થયા છે. નોંધનીય છે એ થનબર્ગે પોતાના ટ્વિટર એકાઉન્ટ પર એક ટૂલકીટ શેર કરી અને તેમાં લોકોને અપીલ કરી કે આંદોલનને કઈ રીતે સમર્થન આપવું. જોકે આ ટૂલકીટ ઘણી વસ્તુ એવી હતી જે ભારતમાં આંદોલનની આડમાં ગંભીર સવાલ ઊભા કરે છે. જોકે ગ્રેટા થોડા સમય બાદ એ ટ્વિટ ડિલીટ પણ કરી દીધું હતું.
એક તરફ જ્યાં ટૂલકીટને લઈને મોટા સવાલ ઊભા થઈ રહ્યા છે ત્યાં હવે ગ્રેટા બાદ પોપ સિંગર રિહના પર પણ સવાલો ઊભા થઈ રહ્યા છે. ધ પ્રિન્ટ દ્વારા કરવામાં આવેલ એક દાવા પ્રમાણે પોપ સિંગર રિહાનાને ખેડૂતોના સમર્થનમાં ટ્વિટ કરવા માટે આશરે 18 કરોડ રૂપિયા આપવામાં આવ્યા હતા. આટલું જ નહીં, આ આખી ડીલ પાછળ કેનેડાની પોએટિક જસ્ટિસ ફાઉન્ડેશનનો હાથ હોવાનો ઘટસ્ફોટ કરવામાં આવ્યો છે. રીપોર્ટ અનુસાર આ નાણાં Skyrocket નામક કંપની દ્વારા આપવામાં આવ્યા હતા જેનો માલિક શીખ અલગાવવાદી હોવાનો દાવો છે.
કેનેડાના નેતાઓ અને સંસ્થાઓ કામે લાગી હોવાનો ખુલાસો
સાથે સાથે એવો ખુલાસો થયો છે કે ભારતમાં થઈ રહેલા આંદોલનને ઇન્ટરનેશનલ લેવલ પર ચગાવવા માટે કેનેડાના મોટા મોટા નેતાઓ કામે લાગી ગયા છે. અને ખાલિસ્તાની વ્યક્તિ દ્વારા આ ટ્વિટ કરાવવામાં આવી છે.