હાઈકોર્ટ / રેપ કેસમાં સાક્ષીઓને ગંદા સવાલ પૂછાતા બગડ્યાં જજ, દોષીની સજા વધારીને કરી 7 વર્ષ, વકીલોએ પૂછ્યું આવું

• મદ્રાસ હાઈકોર્ટનાં જસ્ટિસ વેંકટેશને આવ્યો ગુસ્સો
• વકીલોનાં ઘટી રહેલા દલીલનાં સ્તર પર રોષે ભરાયા જસ્ટિસ
• સાક્ષીને વાહિયાત સવાલો પૂછતાં હતાં આરોપીનાં વકીલ

પાંચ વર્ષની એક બાળકી સાથે રેપનાં મામલામાં આરોપીની તરફથી પોતાની સજા ઓછી કરાવવા માટે કોર્ટમાં અરજી કરવામાં આવી હતી.સુનાવણી દરમિયાન આરોપીનાં વકીલએ સાક્ષીઓને જે પ્રકારનાં વાહિયાત પ્રશ્નો કર્યાં તે જોઈને હાઈકોર્ટનાં જસ્ટિસ રોષે ભરાયા અને તેમણે દોષીની સજાને વધારીને 7 વર્ષ કરી દીધી.

સજા વધારીને કરી 7 વર્ષ
મદ્રાસ હાઈકોર્ટનાં જસ્ટિસ એન.આનંદ વેંકટેશે IPCની કલમ 376,377નાં મામલામાં આ નિર્ણય સંભળાવ્યો. પાંચ વર્ષની બાળકી સાથે રેપનાં મામલામાં કોર્ટે આરોપીને 3 વર્ષની સજા સંભળાવી હતી.  દોષીએ પોતાની સજાની સામે મદ્રાસ હાઈકોર્ટમાં અપીલ કરી હતી. જસ્ટિસ એન. આનંદ વેંકટેશે સમગ્ર મામલાની ફાઈલને જોયું તો તેઓ ગુસ્સે થઈ ગયાં. સજા ઘટાડવાની અપીલ લઈને આવેલા આરોપીની સજાને વધારીને 7 વર્ષ કરી.

જસ્ટિસને આવ્યો ગુસ્સો
સીનિયર વેંકટેશનો ગુસ્સો એટલો વધારે હતો કે તેમણે સીનિયર વકીલોને કહ્યું કે તેઓ લોઅર કોર્ટમાં હાજર પોતાના જૂનિયર્સને શિખવાડે કે દલીલ કઈ રીતે કરવાની હોય. જસ્ટિસે કહ્યું કે દલીલ કરવાનું સ્તર દિવસેને દિવસે ઘટી રહ્યું છે. લોઅર કોર્ટનો માહોલ ઘણો ખરાબ છે.

'Standard Of Cross Examination Has Gone Down Drastically, Trial Court Advocates Not Developing Their Skills': Madras High Court
Read more: https://t.co/3s5M0R1kOG#madrashighcourt pic.twitter.com/HkX6CVwDma

— Live Law (@LiveLawIndia) April 18, 2023

વકીલે મહિલા સાક્ષીને પૂછ્યાં વાહિયાત પ્રશ્ન
જસ્ટિસ વેંકટેશને ગુસ્સો એ વાત પર આવ્યો જેમાં પીડિત બાળકીની તરફથી રજૂ કરવામાં આવેલા સાક્ષીઓને આરોપીનાં વકીલે વાહિયાત પ્રશ્નો પૂછ્યાં. સાક્ષી નંબર 6 થી પ્રશ્ન પૂછવામાં આવ્યો કે શું તેમને લાગે છે કે જંતુના કરડવાથી વર્જિનિટી ગુમાવી શકાય છે. જસ્ટિસે કહ્યું કે આ પ્રશ્ન જણાવે છે કે વકીલોએ કેવી રીતે શારીરિક સંરચનાની સાથએ મેડિકલ ટર્મ્સનો મજાક બનાવ્યો છે.