ઓસ્ટ્રેલિયાના પૂર્વ કેપ્ટન રિકી પોન્ટીંગ એવા સમયે ભાવુક થયા જ્યારે તેઓ એક ઈન્ટરવ્યુ દરમ્યાન શેન વોર્ન સાથે જોડાયેલો કિસ્સો જણાવી રહ્યાં હતા. રિકી પોન્ટિંગ માટે પોતાની ભાવનાઓને નિયંત્રણમાં રાખવી મુશ્કેલ હતી અને આંસૂ છલકાઈ ગયા. જેનાથી શેન વોર્નની મહત્વકાંક્ષા અને તેની શખ્સિયત જાણી શકાય છે.
ઓસ્ટ્રેલિયાના દિગ્ગજ લેગ સ્પિનર શેન વોર્નનું હાર્ટ એટેકના કારણે નિધન
શેન વોર્નની વાત કહી રહ્યાં હતા ત્યારે રિકી પોન્ટિંગ થયા ભાવુક
મને ખબર પડી કે મારો મિત્ર આ દુનિયામાં રહ્યો નથી ત્યારે મને ખૂબ દુ:ખ થયુ
શેન વોર્નના નિધનના સમાચાર સાંભળી હું ખૂબ દુ:ખી થયો: પોન્ટિંગ
શેન વોર્નના કેટલા ચાહકો હતા તે સમજી શકાય છે. ઓસ્ટ્રેલિયાના દિગ્ગજ લેગ સ્પિનરનું 4 માર્ચે હાર્ટ એટેકના કારણે નિધન થયુ હતુ. અચાનક તેમના નિધનથી વર્લ્ડ ક્રિકેટ નહીં પરંતુ વિશ્વભરના ક્રિકેટ ચાહકો પણ સ્તબ્ધ હતા. શેન વોર્નનું અકાળે નિધન દરેક ક્રિકેટ ચાહક માટે ચોંકાવનારું હતુ. પોન્ટિંગે કહ્યું કે જ્યારે તેમને બીજા દિવસે વોર્નના નિધનના સમાચાર મળ્યાં તો તેઓ ચોંકી ગયા. તેમના માટે આ વાત પર વિશ્વાસ કરવો મુશ્કેલ હતો કે તેમનો પૂર્વ ટીમમેટ અને સારો મિત્ર હવે આ દુનિયામાં રહ્યો નથી.
શેન વોર્નના નિધનના સમાચાર પર વિશ્વાસ કરવો ખૂબ મુશ્કેલ
પોન્ટિંગે કહ્યું, સવારે ઉઠીને જ્યારે મને આ સમાચાર મળ્યાં તો હું ચોંકી ગયો હતો. હું ગઈકાલે રાત્રે આ જાણીને પલંગ પર ઉંઘી ગયો હતો કે મારે મારી દીકરીઓને નેટબોલ માટે લઇ જવાની છે અને પછી તે સમયનો સામનો કરવો પડ્યો જે બિલ્કુલ વાસ્તવિક લાગી રહ્યો ન હતો. હજી પણ એવુ માનવામાં આવતુ નથી કે શેન વોર્નનું નિધન થયુ તે ખરેખર વાસ્તવિક છે.