ગ્રેમી એવોર્ડ વિજેતા રિકી કેજ ટ્વીટ કરતા પોતાની હાલની અને સાત વર્ષ પહેલાની પીએમ નરેન્દ્ર મોદી સાથેની તસવીર શેર કરે છે અને કહે છે સાત વર્ષમાં નરેન્દ્ર મોદી બિલકુલ પણ બદલાયા નથી
ગ્રેમી એવોર્ડ વિજેતા રિકી કેજે પ્રધાનમંત્રી નરેન્દ્ર મોદીની મુલાકાત લીધી હતી. ત્યાર બાદ તેમણે ટ્વીટ કરીને કહ્યું હતું કે સાત વર્ષમાં ઘણું બદલાઈ ગયું, પરંતુ પીએમ મોદી આજે પણ એવા જ છે, જેવા 7 વર્ષ પહેલા હતા. તેમણે 7 યર ચેલેન્જનું નામ આપતા બે તસવીરો પણ શેર કરી છે.
પહેલા ફોટો વિષે લખ્યું છે કે પહેલી તસવીર વર્ષ 2015ની છે, જ્યારે મેં પહેલી વાર ગ્રેમી જીત્યો હતો. જ્યારે બીજો ફોટો વર્ષ 2022નો છે, જ્યારે મેં બીજો ગ્રેમી એવોર્ડ જીત્યો છે.
7 year challenge!!
Pic 1: 2015 when I won my 1st Grammy
Pic 2: 2022 when I won 2nd Grammy
Hon'ble PM @narendramodi ji looks EXACTLY the same.. but I have aged a lot :-) hahahaha.
What is your secret sir?? @PMOIndiapic.twitter.com/X8Aw479rDX
રિકીએ ટ્વીટ કરતા કહ્યું કે પ્રધાનમંત્રી નરેન્દ્ર મોદી 7 વર્ષ બાદ પણ એવા જ દેખાય છે, જેવા 2015માં દેખાતા હતા. તેમણે કહ્યું કે આ વચ્ચે મારી ઉંમર વધી ગઈ છે. પરંતુ પીએમ મોદી બદલાયા નથી.
સાત વર્ષમાં પીએમ મોદી બદલાયા નથી - રિકી કેજ
એટલું જ નહી, ગ્રેમી એવોર્ડ વિજેતાએ પ્રધાનમંત્રી નરેન્દ્ર મોદીનાં સ્વાસ્થ્યનું રહસ્ય પણ પૂછ્યું છે. જણાવી દઈએ કે હાલમાં જ તેમણે ડિવાઈન ટાઇડ્સ માટે ગ્રેમી એવોર્ડ જીત્યો છે. આ તેમનો બીજો ગ્રેમી એવોર્ડ છે. આ પહેલા તેમણે 2015માં પહેલો ગ્રેમી એવોર્ડ જીત્યો હતો.
Happy to have met you @rickykej! Your passion and enthusiasm towards music keeps getting even stronger. Best wishes for your future endeavours. pic.twitter.com/8kalYNCaK9
આ મુલાકાત બાદ પીએમ મોદીએ ટ્વીટ કરીને કહ્યું કે તમને મળીને આનંદ થયો. સંગીત પ્રત્યે રિકી કેજનો ઉત્સાહ વધારેને વધારે મજબૂત થતો જઈ રહ્યો છે.
રિકી કેજને મળ્યો ગ્રેમી એવોર્ડ
ભારતીય મ્યૂઝિક કમ્પોઝર રિકી કેજને 2015માં એક આલ્બમ 'વિન્ડસ ઓફ સંસાર' માટે ગ્રેમી એવોર્ડ મળ્યો હતો, જ્યારે આ વર્ષે તેમને ડિવાઈન ટાઇડ્સ માટે ગ્રેમી એવોર્ડ મળ્યો છે.