રાજકોટ: રાજ્યભરનામ રિક્ષા ગેંગ ફરીથી સક્રિય થઇ હોવાનું સામે આવ્યું છે. રિક્ષામાં મુસાફરી કરતા લોકોને નિશાન બનાવીને લોકોના રૂપિયા ચોરી લેતા 4 લોકોની પોલીસે ધરપકડ કરી છે.
મળતી માહિતી અનુસાર રાજકોટ પોલીસે મહેશ જયંતી કુવરીયા કિશન વિનુ દેત્રોજા મંજૂલા ધીરૂ રાઠોડ અને કાજલ દેત્રોજાની ધરપકડ કરી છે. મહત્વનુ છે કે 4 એપ્રિલના રોજ બજરંગ વાડી વિસ્તારમાંથી એક તબીબે રિક્ષામાંથી 30 હજાર રૂપિયા ચોરી થવાની ફરિયાદ નોંધાવી હતી. ત્યાર બાદ પોલીસ દ્વારા તપાસ શરૂ કરવામાં આવી હતી.
પોલીસને 1 રિક્ષા ચાલક પર શંકા થતા પોલીસે રિક્ષા ચાલકની તપાસ કર્યા બાદ રિક્ષા ચાલકની અટકાયત કરી હતી. આ રિક્ષા ચાલકે ગુનો કબુલ્યો હતો અને પોતાના સાથી વિશે પણ જણાવ્યુ હતુ. ત્યારે હવે પોલીસે તમામ આરોપીઓની ધરપકડ કરીને આગળની કાર્યવાહી શરૂ કરી છે.