ક્રાઈમ / અમદાવાદમાં રિક્ષા બેસતાં પહેલાં વિચારજો! રિક્ષા ગેંગ સક્રિય થઈ ગઈ છે, આ બે કિસ્સાઓ ચોંકાવનારા

• એક લૂંટનો બનાવ શહેરકોટડામાં બન્યો છે
• એક યુવક મેમ્કો પાસેથી નાગરવેલ જવા માટે  રિક્ષામાં બેઠો હતો
• 400 રૂ‌િપયા તેમજ મોબાઇલની લૂંટ કરીને ફરાર થઇ ગયા હતા

ચોટીલા રહેતાં દક્ષાબા ઝાલાએ કૃષ્ણનગર પોલીસ સ્ટેશનમાં ચાર યુવક વિરુદ્ધમાં ફરિયાદ કરી છે. ગઈ કાલે બપોરના સમયે તેઓ નંદીપાર્કથી ગીતામંદિર બસ સ્ટેન્ડ જવા રિક્ષામાં બેઠા હતા. ‌રિક્ષામાં અગાઉથી ત્રણ પેસેન્જર બેઠેલા હતા. પેસેન્જર વધી જતાં એક યુવાન ડ્રાઇવરની બાજુમાં બેસી ગયો હતો, જ્યારે દક્ષાબાને પાછળની સીટમાં બેસાડ્યાં હતાં, જોકે  થોડા આગળ જઇ રિક્ષાચાલકે તેની બાજુના બે યુવાનને પાછળની સીટમાં બેસાડી દીધા હતા, જ્યારે તેઓ નરોડા રોડ પર આવેલા એસઆરપી કેમ્પ પાસે પહોંચ્યા ત્યારે આગળ પોલીસ છે તેમ કહી રિક્ષાચાલકે દક્ષાબાને રસ્તા પર જ ઉતારી દીધાં હતાં અને ત્યાંથી તેઓ પલાયન થઇ ગયા હતા. ‌રિક્ષાચાલક નીકળી ગયા બાદ દક્ષાબાએ ગળામાં જોતાં તેમની દોઢ તોલા (પચાસ હજાર)ની સોનાની ચેઇન ગાયબ હતી. ત્યારબાદ ઘટનાની જાણ પોલીસને કરતાં જ પોલીસે ફરિયાદ નોંધીને વધુ તપાસ શરૂ કરી છે

વધુ એક લૂંટનો બનાવ શહેરકોટડામાં બન્યો છે, જેમાં એક યુવક મેમ્કો પાસેથી નાગરવેલ જવા માટે  રિક્ષામાં બેઠો હતો.રિક્ષાચાલક નાગરવેલ વિસ્તારમાં જવાના બદલે ‌રિક્ષામાં ગેસ ખૂટી ગયો છે તેમ કહીને રિક્ષાને ગલીમાં લઇ ગયો હતો, જ્યાં  રિક્ષાચાલકે પેસેન્જરને પકડી રાખ્યો હતો, જ્યારે રિક્ષામાં બેસેલા અન્ય બે લોકો યુવાનના ‌ખિસ્સામાંથી ૪૦૦ રૂ‌િપયા તેમજ મોબાઇલની લૂંટ કરીને ફરાર થઇ ગયા હતા.