બેદરકારી / સુરતઃ પોલીસે રીક્ષા રોકી તો અંદરથી બે-પાંચ નહીં 20 બાળકો નીકળ્યા, Video કર્યો વાયરલ

• સ્કૂલ રીક્ષાને રોકી પોલીસે બનાવ્યો વીડિયો 
• સુરતમાં એક રીક્ષામાં 20 બાળકો ભર્યા 
• બેદરકારી કોની રીક્ષા ચાલક, વાલી કે સ્કૂલ સંચાલકોની?

સરકાર અકસ્માતોને અટકાવવા નિર્ણય ઘડી રહી છે જ્યારે બીજી તરફ ટ્રાફિક નિયમોના ઉલ્લંઘનના વીડિયો સામે આવી રહ્યા છે. સુરતમાં પોલીસે એક રીક્ષા રોકી તો અંદરથી એક સાથે 20 બાળકો નીકળ્યાં હતા. રીક્ષા ચાલકે પોતાની રીક્ષામાં બે, પાંચ નહીં પરંતુ 20 બાળકોને ઘેટા-બકરાની જેમ બેસાડ્યા હતા. 

સ્કૂલ વાન અને સ્કૂલ ઓટો પર કડક કાર્યવાહી કરતા રાજ્યમાં ડ્રાઇવ યોજવામાં આવી હતી. કેટલાક નિયમો પણ લાગૂ કરવામાં આવ્યા હતા. પરંતુ ઓટો-વાનના ચાલકોએ આ નિયમોને ગણકાર્યા નહીં.

રાજ્યમાં ઠેકઠેકાણે શાળાના વાહનોમાં બાળકોને ઠસોઠસ ભરી દેવામાં આવે છે. જેમાં રીક્ષા ચાલકની બેદરકારી તો સામે આવી જ છે. પરંતુ આમાં વાલીઓ અને સ્કૂલ સંચાલકો પણ એટલા જ જવાબદાર છે. આમ, વાલીઓ અને સ્કૂલ સંચાલકોની બેદરકારી સામે આવી છે. આ વાયરલ વીડિયો સુરતના ચોક બજાર વિસ્તારનો હોવાનું અનુમાન લગાવવામાં આવી રહ્યું છે.