આજકાલ લોકો ગર્લફ્રેન્ડ બનાવવા માટે કેટલીય તરકીબો અપનાવે છે પરંતુ બરેલીમાં 52 વર્ષના એક પરણિત રીક્ષાવાળાએ જે કર્યું તે ખરેખર આશ્ચર્ય પમાડે તેવું છે. ઉત્તર પ્રદેશના બરેલીના રહેવાસી જાવેદે સોશિયલ મીડિયા પ્લેફોર્મ ફેસબુક પર પોતાને IPS નુરૂલ હસન ગણાવીને આશરે 3 હજાર છોકરીઓ સાથે મિત્રતા કરી અને પોતાના પ્રેમજાળમાં ફસાવી હતી.
ફેસબુક પર જાવેદે આઈપીએસ નૂરુલ હસનના નામથી બનાવટી આઈડી બનાવ્યું અને ટૂંક સમયમાં તેના એકાઉન્ટ પર કેટલાય હજાર મિત્રો બની ગયા. તેમાં છોકરીઓની સંખ્યા સૌથી વધુ હતી. પોલીસે પકડેલા રીક્ષાચાલકે જાવેદએ જણાવ્યું હતું કે ફેસબુક પર મિત્રતા થયા બાદ મુંબઇથી બરેલી જતી એક ડઝન છોકરીઓને તેણે લગ્નનો પ્રસ્તાવ મોકલ્યો હતો અને આ દરમિયાન તેણે તેમની સાથે અભદ્ર વાતો કરવાનું શરૂ કર્યું હતું.
એટલું જ નહીં હાઇસ્કૂલમાં નાપાસ થયેલ જાવેદે થોડું અંગ્રેજી શીખી લીધું જેથી કોઇપણ છોકરીને તેના પર શંકા ન પડે. જાવેદ છોકરીઓ સાથે ચેટની સાથે તેમની ન્યૂડ તસવીરો પણ મંગાવી હતી જો કે, કેટલીક છોકરીઓએ તેના વિશ્વાસમાં આવીને તસવીરો મોકલી પણ દીધી હતી.
પોલીસની ઝપટમાં આવેલ જાવેદના મોબાઇલ ફોનને જ્યારે તપાસ્યો તેના ફોનમાંથી 16 છોકરીઓ સાથેની ચેટ મળી આવી હતી જેની સાથે તે અશ્લીલ વાતો કરી રહ્યો હતો અને તેની પાસે ન્યૂડ તસવીરો પણ મંગાવી હતી. જો કે, તેની હકીકત જાણવા માટે કોઇ યુવતી તેને વીડિયો કોલ કરે તો તે રિસીવ કરતો નહોંતો.
આપને જણાવી દઇએ કે, જાવેદની પત્નીને પણ પોતાના પતિની આ હરકત અંગે જાણકારી હતી અને તે પાંચ મોબાઇલ ફોન તોડી ચૂકી હતી કારણ કે, ફોનમાં તેમણે કેટલીય છોકરીઓની ન્યૂડ તસવીરો જોઇ હતી. જવાન દીકરાનો પિતા હોવા છતાં આ પ્રકારની હરકતને લઇન જાવેદની પત્ની પરેશાન હતી. કારણ કે, જાવેદે ચેટ કરવા માટે થઇને કામ-ધંધો પણ છોડી દીધો હતો.