એક એવું ગામડું જ્યાં દરેક વ્યકિતના ખાતામાં છે કરોડો રૂપિયા જાણો ક્યાં આવેલું છે

તમે ધનિકોની રહેણીકરણી અને ઘર વિશે જાણતા હશો પરંતુ શું તમને ખબર છે વિશ્વમાં એક એવું ગામ છે જ્યાં દરેક વ્યકિતની પાસે કરોડો રૂપિયા છે સાથે જ  ગામડામાં શહેર જેવી જ તમામ સુવિધાઓ હાજર હોય છે. આ ગામ આપણા પડોશી દેશ ચીનના જીયાંગૂસ પ્રાંતમાં છે. આ ગામને સુપર વિલેજ તરીકે પણ ઓળખવામાં આવે છે. આ ગામડામાં રહેતા લોકો વૈભવી જીવન જીવે છે અને એક જાણકારી અનુસાર આ ગામમાં દરેક વ્યકિતના ખાતામાં લગભગ 1.5 કરોડ કરવા વધારે રૂપિયા જમા છે.

આ ગામડામાં 72 માળના સ્કાઇસ્કેપર હેલિકોપ્ટર થીમ વર્ક અને લક્ઝરી વીલા છે. ગામડામાં મળવાપાત્ર આ સુવિધા તેને શહેરથી અલગ અને કંઇક ખાસ બનાવે છે. આ ગામમાં લગભગ 2000ની વસ્તી છે અને તે દરેક લોકોના ખાતામાં 1 મુલિયન યુઆન એટલે કે લગભગ 1 કરોડ કરતા વધારે રૂપિયા જમા છે. 

આ સિવાય ગામમાં વસતા તમામ પરિવારને ઓથોરિટી તરફથી કાર અને વીલા આપવામાં આવી રહ્યા છે. જે વ્યકિત ગામ છોડે ત્યારે તેને આ તમામ ચીજવસ્તુઓ પરત કરવી પડે છે. આ ગામને કરોડો ડોલરની કંપનીઓને ગઢ માનવામાં આવે છે અને જેમાં સ્ટીલ અને શિપિંગ જેવી કેટલીક મુખ્ય કંપનીઓ શામેલ છે. 

આ ગામડાના તમામ ઘરો લગભગ એક જેવા છે. બહારથી જોતા આ ઘરો હોટલો જેવા લાગે છે. સાથે જ અહીંયા હેલિકોપ્ટર ઉડતા જોવા મળે છે. એવું કહેવાય છે કે આ ગામડાના પૂર્વજો ગરીબ હતા અને આજે આ ગામ સફળતાના શિખરે પહોંચ્યુ તેનો શ્રેય કમ્યુનિસ્ટ પાર્ટીના સ્થાનીય સચિવ વૂ રેનાબોને જાય છે. રેનાબોએ કંપનીનું ગઠન કરીને સામૂહિક ખેતીને પ્રોત્સાહન આપ્યું હતુ.