GDP / ગુજરાત સહિત 5 રાજ્ય ભરે છે ભારતનો ખજાનો, જાણો સૌથી અમીર રાજ્યોમાં આપણું કયા નંબરે?

• દેશમાં સૌથી વધુ GDP મહારાષ્ટ્રની છે  
• ત્યાર બાદ તમિલનાડુ અને ગુજરાત આવે છે.
• સિક્કિમ, નાગાલેન્ડ, મિઝોરમ અને આંદામાન અને નિકોબાર આ યાદીમાં નીચે છે

સમગ્ર દુનિયા સહિત દેશમાં હાલ કોરોના કપરો કાળ ચાલી રહ્યો છે.

જેણે દેશની અર્થવ્યવસ્થાને ઠપ્પ કરી દીધી છે.કોરોના સંકટ વિશ્વમાં દસ્તક દે તે પહેલા ભારત વિશ્વની સૌથી ઝડપથી વિકસતી અર્થવ્યવસ્થાઓમાંની એક હતી.

પરંતુ કોવિડ 19એ આ અર્થવ્યવસ્થા પર રોક લગાવી દીધી, પરંતુ હવે ફરી એકવાર દેશની અર્થવ્યવસ્થાને મજબૂત કરવાની પહેલ શરૂ થઈ ગઈ છે.વડાપ્રધાન નરેન્દ્ર મોદીએ આત્મનિર્ભર ભારત અભિયાન શરૂ કરવાની જાહેરાત કરી છે. આ સાથે કેન્દ્ર સરકારે 20 લાખ કરોડ રૂપિયાના પેકેજની જાહેરાત કરી છે, જે GDPના 10% હશે. ઘણા લોકોને ભારતના GDP વિશે જાણવાની ઈચ્છા હશે, અમે તમને ભારતની કુલ GDP અને રાજ્યોની GDP વિશે જણાવીશું.
 
મંત્રાલયે સત્તાવાર રાજ્યવાર GDPના ડેટા જાહેર કર્યા છે. 

Ministry of Statistics and Programme Implementationએ  તેની સત્તાવાર વેબસાઈટ પર રાજ્યવાર જીડીપી સંબંધિત ડેટા જાહેર કર્યો, જે મુજબ ભારતનો કુલ જીડીપી ₹ 231.85 લાખ કરોડ (US $ 3.3 ટ્રિલિયન) છે.કેન્દ્ર સરકારે 5 વર્ષમાં 5 ટ્રિલિયન યુએસ ડોલર જીડીપીનું લક્ષ્ય રાખ્યું હતું. જો તમે રાજ્ય મુજબ જુઓ તો મહારાષ્ટ્ર દેશનું સૌથી ધનિક રાજ્ય છે. મહારાષ્ટ્રની જીડીપી ₹32.24 લાખ કરોડ (US$450 બિલિયન) સાથે ટોચ પર છે. જે પછી તામિલનાડુ અને ગુજરાત છે. જ્યારે જીડીપીની દ્રષ્ટિએ આંદામાન અને નિકોબાર આ યાદીમાં સૌથી નીચે છે. આપણે આ તરફ આગળ વધીએ તે પહેલાં, જીડીપી શું છે તે સમજવું વધુ સારું છે

GDP શું છે 

ગ્રોસ ડોમેસ્ટિક પ્રોડક્ટ (GDP) એ કોઈપણ દેશના આર્થિક સ્વાસ્થ્યને માપવા માટેનું એક માપ અથવા પદ્ધતિ છે. જીડીપીનો આંકડો અર્થતંત્રના મુખ્ય ઉત્પાદન ક્ષેત્રોમાં ઉત્પાદનના વિકાસ દર પર આધારિત છે. જીડીપી હેઠળ કૃષિ, ઉદ્યોગ અને સેવાઓ ત્રણ મુખ્ય ઘટકો છે.

ભારતના રાજ્યો અને તેમની GDP

સૌથી વધુ જીડીપી ધરાવતા રાજ્યો અને કેન્દ્રશાસિત પ્રદેશો

મહારાષ્ટ્ર, તમિલનાડુ અને ગુજરાત આવે છે. જ્યારે તમામ કેન્દ્રશાસિત પ્રદેશોમાં દિલ્હીમાં સૌથી વધુ જીડીપી છે

સૌથી ઓછું જીડીપી ધરાવતાં રાજ્યો કેન્દ્રશાસિત પ્રદેશો

સિક્કિમ, નાગાલેન્ડ, મિઝોરમ અને આંદામાન અને નિકોબાર આ યાદીમાં નીચેના રાજ્યોમાં છે.અને કેન્દ્રશાસિત પ્રદેશોમાં આંદામાન અને નિકોબારમાં સૌથી ઓછો જીડીપી છે