કરોડોની સંપત્તિ કમાવવામાં લોકોની આખી ઉંમર જતી રહે છે. પરંતુ એક બાળક એવો છે, જેની પાસે પુષ્કળ સંપત્તિ છે. તેની ઉંમર ફક્ત નવ વર્ષ છે. આ બાળકને અસલ જીવનનો રિચી-રિચ કહેવામાં આવે છે, જેની પાસે રમવા માટે એક નહીં, પરંતુ ઘણી સુપર કાર છે.
નવ વર્ષના બાળક પાસે અઢળક સંપત્તિ
આ બાળક અસલ જીવનનો રિચી-રિચ કહેવાય છે
આ બાળક પાસે રમવા માટે એક નહીં, પરંતુ ઘણી સુપર કાર
આ બાળક વિશ્વનો સૌથી નાની ઉંમરનો અબજપતિ
મોમ્ફા જૂનિયર વિશ્વનો સૌથી નાની ઉંમરનો અબજપતિ હોવાનો દાવો કરી રહ્યો છે. કહેવાઈ રહ્યું છે કે તે ફક્ત 6 વર્ષની ઉંમરમાં પોતાના મહેલમાં રહેતો હતો અને ખાનગી જેટ દ્વારા યાત્રા કરતો હતો. આ નાના બાળકનું અસલી નામ મોહમ્મદ અવલ મુસ્તફા છે, જેની આલીશાન જીવનની તસ્વીરો સોશિયલ મીડિયામાં જોઈ શકાય છે. એક તસ્વીરમાં તે Bentley Flying Spurના બોનટ પર બેઠેલો છે. બાળકનો દાવો છે કે આ પહેલી કાર છે, જે તેના પિતાએ તેને ભેટમાં આપી હતી. બીજી તસ્વીરમાં તે ડિઝાઈનર કપડામાં લાલ Lamborghini Aventadorની સામે ઉભો રહ્યો છે.
તસ્વીરની સાથે તેણે કેપ્શનમાં લખ્યું, જન્મ દિવસની શુભેચ્છા. દુબઈમાં તેના આલીશાન ઘરના પાર્કિગમાં ઉભી રહેલી ફેરારી જેવી મોંઘી કારને જોઈ શકાય છે. હવે સવાલ એ છે કે આ નાના બાળકની પાસે આખરે આટલી બધી સંપત્તિ આવી ક્યાથી? મોહમ્મદ ખરેખર અબજપતિ નાઈજીરિયન ઈન્ટરનેટ સેલિબ્રિટી ઈસ્માઈલિયા મુસ્તફાનો દીકરો છે, જેને મોમ્ફા નામથી ઓળખવામાં આવે છે. મોમ્ફા સિનિયર પણ પોતાના દીકરાની જેમ મોંઘુ જીવન વિતાવે છે.
દીકરાથી એક ડગલું આગળ પિતા
તે પોતાના ખોટા ખર્ચા અને એ-લિસ્ટર જીવન શૈલી માટે ઓળખાય છે. તે અવાર-નવાર લાગોસ અને દુબઈ સ્થિત પોતાના ઘરની તસ્વીરો શેર કરતો રહે છે. મોમ્ફાએ પોતાના દીકરાના છઠ્ઠા જન્મ દિવસે 2019માં તેનો પહેલો મહેલ ભેટમાં આપ્યો હતો.