અમદાવાદ / ધન્નાશેઠના દીકરાએ રેસ લગાવી માસૂમને ઉડાવ્યા, મૂકપ્રેક્ષક પોલીસે જે કર્યુ તે જાણીને ગુસ્સે ભરાઈ જશો

• અમદાવાદમાં બેફામ નબીરાઓ સામે પોલીસ મૂક પ્રેક્ષક
• શહેરમાં કાર રેસિંગ કરતા નબીરાઓ સામે પોલીસ મૌન
• પરિવારે આરોપીને પકડ્યો છતા પોલીસે જવા દીધો

અમદાવાદમાં બેફામ બનેલા નબીરાઓ સામે પોલીસ ભીનું સંકેલી રહી હોય તેવો ઘાટ સર્જાયો છે શહેરા જીવરંજની પાસે થયેલા ગમખ્વાર અકસ્માત બાદ મૌન બનેલી જોવા મળી કેમ કે અકસ્માત સર્જાયો તે બાદ પોલીસ ઘટના સ્થળે આવી પહોંચી પરતું કોઈ કાર્યવાહી હાથ ધરાઈ નહોંતી ત્યારે સમગ્ર મામલે પોલીસ ભીનું સંકેલી રહી હોય તેવું જોવા મળી રહ્યું છે.


CCTVમાં સ્પીડ વધુ હોવાનું જાણવા મળ્યું

શિવરંજની વિસ્તારમાં મોડી રાત્રે ગમખ્વાર અકસ્માત સર્જાયો જેમાં પૂર ઝડપે આવેલી કારે ચાર લોકોને અડફેટે લેતા એકનું ઘટના સ્થળે મોત નિપજ્યું હતું જ્યારે અન્ય ત્રણ લોકો ગંભીર ઈજાગ્રસ્ત થયા હતા, મહત્વનું તો એ છે કે પરિવારજનોએ અકસ્માત સર્જનાર આરોપીને પકડ્યો હોવા છતા પોલીસે જવા દીધો તેવો પરિવારજનોએ આક્ષેપ કર્યો છે. 


VTVની ટીમ અકસ્માત સર્જનાર કારમાલિકના નિવાસ સ્થાને 

મહત્વનું છે કે શિવરંજની પાસે અકસ્માતની ઘટના બાદ VTVની ટીમ અકસ્માત સર્જનાર કારમાલિકના નિવાસ સ્થાને પહોંચી હતી, જે કારે અક્સમાત સર્જ્યો છે તે કાર શૌલેષ શાહની હોવાનું માલુંમ પડ્યું છે અકસ્માત વખતે તેનો પુત્ર કાર ચલાવી રહ્યો હોવાનું પણ મનાઈ રહ્યું છે, ત્યારે VTVની ટીમ મઠાખળી સ્થિત શૌલેષ શાહના નિવાસ સ્થાને પહોંચી તો ઘરે તાળું જોવા મળ્યું હતું જો કે મીડિયામાં અહેવાલો પ્રસારિત થયા બાદ પોલીસ પણ એક્શન લેવા મજબૂર બની છે. 

આરોપીની અટકાયત બાદ વધુ વિગતો સામે આવશે

શિવરંજની પાસે હિટ એન્ડ રનની ઘટના મામલે ટ્રાફિક DCP તેજસ પટેલ જણાવ્યું કે સીસીટીવીની પ્રાથમિક તપાસમાં કારની સ્પીડ વધુ જણાઈ છે, તેમણે કહ્યું કે ઇમરજન્સી કામ માટે લોકો કાર લઇને બહાર નિકળતા હોય છે ત્યારે માનવતાના ધોરણે વાહનોને પસાર થવા દેવામાં આવે છે, કારનો ઈ-મેમો પણ પેન્ડિંગ છે, તેજસ પટેલે જણાવ્યું કે અકસ્માતની તપાસ માટે હાલ FSL અને RTOની મદદ લેવાશે વધુમાં તેઓએ કહ્યું કે જ્યારે અકસ્માતની ઘટના બાદ પોલીસ ઘટના સ્થળે પહોંચી તો લોકોની ભીડ હતી લોકોએ આરોપીને સોંપ્યો નથી. આરોપીની અટકાયત બાદ વધુ વિગતો સામે આવશે તેવું ટ્રાફિક DCPએ જણાવ્યું હતું. જોકે અકસ્માતની ઘટના બાદ હાલ ઈજાગ્રસ્તોની તબિયત સ્થિર જણાઈ રહી છે. 

ગાડીની માહિતીના આધારે પોલીસ કાર્યવાહી

આ તરફ રાજ્યના ગૃહમંત્રી પ્રદિપસિંહ જાડેજાએ પણ હિટ એન્ડ રનની ઘટના મુદ્દે નિવેદન આપતા જણાવ્યું કે પોલીસ અધિકારીઓ સાથે ચર્ચા થઈ છે, અને ગાડીની માહિતીના આધારે પોલીસ કાર્યવાહી કરી રહી છે.

હિટ એન્ડ રન કરનારી કારનાં માલિકનું નામ શૈલેષ શાહ

અમદાવાદમાં  હિટ એન્ડ રન કરનારી કારનો નંબર GJ01RU8964 છે અને તેનો રંગ સફેદ છે. પોલીસ આ નંબર પ્લેટ પરથી વધુ તપાસ કરી રહી છે. પોલીસની પ્રાથમિક તપાસમાં કારનાં માલિકનું નામ શૈલેષ હોવાનું સામે આવ્યું છે. સ્થાનિકોનાં આક્ષેપ પ્રમાણે, કારમાં સવાર ચાર લોકો દારૂ પીધેલી હાલતમાં હોય તેમ જણાઇ આવતું હતું. હાલ તો પોલીસે સીસીટીવીને આધારે વધુ તપાસ હાથ ધરી છે મોડી રાત્રે કાળ બનીને આવેલી i20 કાર આ લોકો પર ફરી વળી જેમાં એકનું મોત નિપજ્યું જ્યારે હજુ પણ માસૂમ લોકો હાલ જીવન-મરણ વચ્ચે ઝોલાં ખાઈ રહ્યા છે.