બોલિવૂડ આજ કાલ લગ્નના કારણે ચર્ચામાં દરેક સ્ટાર કપલ હવે લગ્નના બંધનમાં બંધાવા જઈ રહ્યાં છે. થોડાક દિવસ પહેલાં જ આલિયા અને રણબીરના લગ્નના સમાચાર સામે આવ્યા હતાં ત્યારબાદ વરુણ અને નતાશાના સમાચાર સામે આવ્યાં હતાં. જ્યારે હવે બોલિવૂડનું નવું એક કપલ લગ્નના બંધનમાં બંધાવા જઈ રહ્યું છે.
રીચાએ ઇન્ટરવ્યુમાં કર્યો ખુલાસો
રીપોર્ટસ અનુસાર એવું પણ કહેવામાં આવી રહ્યું છે કે બંને જૂન જુલાઈમાં લગ્ન કરશે
રીચા લગ્નના બંધનમાં હવે થોડા સમયમાં બંધાશે
બોલિવૂડ અભિનેત્રી રીચા ચઢ્ઢા અને અભિનેતા અલી ફઝલના લગ્નના સમાચાર સામે આવ્યાં છે. આ બંને એકબીજાને ઘણા લાંબા સમયથી ડેટ કરી રહ્યાં છે. જ્યારે હવે એવા સમાચાર સામે આવ્યા છે કે બંને હવે જલ્દીથી લગ્ન કરવાના છે. સુત્રો અનુસાર આ બંને જૂન-જુલાઈમાં લગ્ન કરી શકે છે.
રીચાએ તાજેતરમાં એક ઇન્ટરવ્યુમાં કહ્યું હતું કે મેં એક લેખ વાંચ્યો હતો જેમાં લગ્ન થવાના છે તેવી વાત કરવામાં આવી હતી. ત્યારબાદ મને સમાચાર મળ્યા કે મારા લગ્ન વેલેન્ટાઈનના દિવસે સાંજે ચાર વાગ્યે થવાના છે. પરંતુ કોઈ કારણોસર કેન્સલ થયા. પરંતુ રીચાને આ કોઈ વાતની જાણ જ નથી.
રીચાએ વધુમાં જણાવ્યું કે હું અને અલી લગ્ન કરીશું ત્યારે અમે તેની જાહેરાત ચોક્કસ કરીશું. થોડી રાહ જુઓ.
રીચાની આ વાત પરથી લાગી રહ્યું છે કે તે લગ્નના બંધનમાં હવે થોડા સમયમાં બંધાશે જયારે મીડિયા રીપોર્ટસ અનુસાર એવું પણ કહેવામાં આવી રહ્યું છે કે બંને જૂન જુલાઈમાં લગ્ન કરશે.