રિપોર્ટ / સરકારની કાર્યવાહીના ફફડાટથી સ્વિસ બેન્કના ગુપ્ત ભારતીય ધનકૂબેરો જુઓ શું કરવા લાગ્યા

• એચએસબીસી બેન્કમાં ભારતીય ધનકૂબેરોના પૈસા અચાનક ગાયબ, ઈન્કમ ટેક્સ વિભાગે તપાસ આદરી
• એચએસબીસી લિસ્ટમાં જેમના પણ નામનો ઉલ્લેખ હતો તેમને ઈન્કમ ટેક્સ ડિપાર્ટમેન્ટની નોટીસ 
• ઈન્કમ ટેક્સ ડિપાર્ટમેન્ટ દ્વારા આ ધનકુબેરોને નોટીસ આપવામાં આવે તે પહેલા આ પૈસા બીજે ખસેડાયા હોવાનું લાગી રહ્યું છે. 

દુનિયાભરનું કાળુ નાણુ પૈસા સંઘરી રાખવા માટે જાણીતી સ્વિઝરલેન્ડની જીનિવા ખાતેની એચએસબીસી (સ્વિસ બેન્ક) બેન્કમાં ભારતીય ધનકૂબેરોના પૈસા અચાનક ગાયબ થઈ રહ્યા હોવાનું ધ્યાનમાં આવતા ઈન્કમ ટેક્સ ડિપાર્ટમેન્ટે (આઈટી) તપાસ આદરી છે. 

ઈન્કમ ટેક્સ વિભાગે આવા ખાતેધારકોને નોટીસ આપવાનું શરુ કર્યું છે. ઈન્કમ ટેક્સ ડિપાર્ટમેન્ટ દ્વારા આ ધનકુબેરોને નોટીસ આપવામાં આવે તે પહેલા આ પૈસા બીજે ખસેડાયા હોવાનું લાગી રહ્યું છે. ઈન્કમ ટેક્સ ડિપાર્ટમેન્ટની તપાસ બાદ સ્વિસ બેન્કના ગુપ્ત ખાતાધારકોએ પૈસા તેમના હોવાનો ઈન્કાર કર્યો છે અથવા તો જે તે વર્ષ દરમિયાન તેઓ નોન રેસિડન્ટ હતા. 
ઈન્કમ ટેક્સ વિભાગે એચએસબીસી લિસ્ટમાં જેમના પણ નામનો ઉલ્લેખ હતો તેમને તમામને નોટીસ આપીને તેમને ફંડના સ્ત્રોત, માલિકી, સાતથી નવ વર્ષ સુધી વિદેશી ખાતાની વિગતો તથા 2006-07 ના દરેક વર્ષ દરમયાન ભારતમાં રોકાણના સમયની વિગતો પૂરી પાડવાનો આદેશ આપ્યો છે. 

વિદેશી ભારતીયો પાસેથી વિગતો મંગાવાઈ 

વિદેશીઓના ભારતમાં રોકાણના સમયગાળા, પાસપોર્ટ તથા વિદેશી સંપત્તિની માલિકી જેવી વિગતો મેળવવાથી ઈન્કમ ટેક્સ ડિપાર્ટમેન્ટને જાણ થશે કે જેમને ટેક્સની નોટીસ  મળી હતી તેઓ નોટીસ મળ્યા બાદ એનઆરઆઈ બન્યા છે કે નહીં અને તેમણે એચએસબીસીમાંથી ફંડ બીજે ટ્રાન્સફર કરી દીધું છે કે નહીં.  

2010 માં ફ્રાન્સે આપેલા લિસ્ટની ચોરી થઈ હતી 

ઈન્કમ ટેક્સ ડિપાર્ટમેન્ટ દ્વારા 2011-12 માં એચએસબીસી ખાતેધારકોને નોટીસ આપવામાં  આવી હતી. ફ્રાન્સ દ્વારા સોંપવામાં આવેલા લિસ્ટમાં જેમના પણ નામનો ઉલ્લેખ હતો તેમને તમામને નોટીસ આપવામાં આવી હતી. જોકે 2010 માં એચએસબીસીના એક કર્મચારીએ આ લિસ્ટ ચોરી લીધું હતું જેને કારણે 24,000 ખાતા પર અસર પડી હતી. તેને કારણે માગ, સર્ચ અને જપ્તીનો રાફડો ફાટ્યો હતો. આમાંના મોટાભાગના કેસો કોર્ટમાં છે અથવા તો એનઆરઆઈને સંડોવતા કેસો ઈન્કમ ટેક્સ વિભાગ દ્વારા આગળ ન પણ ચલાવવામાં આવે તેવું બની શકે.