ટિપ્સ / ચોખાના પાણીનો આ રીતે ઉપયોગ કરીને વધારો વાળનો ગ્રોથ

ચોખાના પાણીમાં ઘણા પ્રમાણમાં વિટામિન્સ  અને મિનરલ્સ હોય છે અને સાથે જ ફેરુલિક એસિડના કારણે તે એન્ટીઓક્સિડન્ટની ભરપૂર હોય છે. ચોખાનું પાણી કેવી રીતે બનાવવુ અને કેવી રીતે તેનો ઉપયોગ કરવાથી તમારા વાળનો ગ્રોથ વધી શકે છે તે વિશે આજે અમે તમને જણાવીશું....

વાળ મજબૂત કરે:
ચોખાના પાણીમાં રહેલા કાર્બોહાઇડ્રેટ જેને ઇનોસિટૉલ કહેવાય છે જેના કારણે વાળ મજબૂત થાય છે, વાળનું ઘર્ષણ ઓછુ થાય છે અને વાળ સિલ્કી થઇ જાય છે. ચોખાના પાણીથી વાળ ધોઇ શકાય છે, જેનાથી વાળની કુદરતી ચમક રહે છે.

 
 અઠવાડિયામાં 1-2 વખત કરો ઉપયોગ:
શેમ્પૂ કર્યા પછી ચોખાના પાણીથી વાળ ધોઇ શકો છો, આ માટે ચોખાનું પાણી વાળ પર નાખો, સ્કેલ્પમાં મસાજ કરો અને થોડો સમય સુધી રાખી તેને પાણીથી ધોઇ લો. અઠવાડિયામાં 1-2 વખત તેનો ઉપયોગ કરો. સારા પરિણામ માટે તમે ઇચ્છો તો વાળમાં લગાવીને 10-15 મિનિટ માટે રાખો અને જે પછી તેણે ચોખ્ખા પાણીથી ધોઇ લો..

વાળને સોફ્ટ કરે:
ચોખાનુ પાણી વાળ માટે પરફેક્ટ કન્ડિશનર છે જે વાળને સોફ્ટ બનાવે છે. જો તમે તમારા વાળ માટે નેચરલ કન્ડિશનરની શોધમાં છો તો ચોખાનું પાણી તમારા માટે સૌથી બેસ્ટ ઑપ્શન છે. વાળને સારા પ્રમાણમાં પોષક તત્વો ચોખાના પાણીથી મળી જાય છે જેના કારણે વાળનો ગ્રોથ કોઇ પણ કેમિકલ પ્રોડક્ટના ઉપયોગ વગર થઇ જાય છે.

કઇ રીતે બનાવું ચોખાનું પાણી:

- ચોખાને અડધો કલાક અથવા તો રાતભર પલાળીને રાખો. પછી ચોખાને નિતારી લો અને પાણી અલગ રાખો, આ પછી પાણી ઉપયોગ કરવા માટે તૈયાર છે.

 - ચોખાને પ્રેશર કૂકરની જગ્યાએ તપેલીમાં બાફો અને પછી ભાત થઇ જાય ત્યારે તેમાંથી બાકી રહેલા પાણીને અલગ કરી લો. મિલ્કી વાઇટ કલરના ચોખાનું પાણી પોષકતત્વોથી ભરપૂર હોય છે.