ચોખાનું પાણી એટલે કે ઓસામણને તમે ફેંકી દો છો પણ તે વાળ, સ્કીન અને હેલ્થને અનેક ફાયદા આપે છે. જાણો અને કરો ઉપયોગ.
આજથી ફેંકશો નહીં ચોખાનું પાણી
ઓસામણના છે અનેક ફાયદા
હેલ્થ, વાળ અને સ્કીન પર કરે છે કમાલ
અનેકવાર કોઈ વાસણમાં તમે ચોખા બનાવો છો ત્યારે વધેલું પાણી ફેંકી દો છો. પણ આ પાણી તમારા વાળ અને સ્કીનથી લઈને હેલ્થને માટે પણ ફાયદો કરનારું હોય છે. જો તમે તેને ફેંકવાના બદલે તેને રોજના ડાયટમાં સામેલ કરી લેશો તો તેનાથી અનેક મુશ્કેલીઓ દૂર થાય છે. આ સિવાય તેનાથી વાળ અને ચહેરાને લઈને થતી સમસ્યામાં પણ લાભ મળે છે. તો જાણી લો તેના ફાયદા પણ.
ઓસામણ આ રીતે કરે છે ફાયદો
સીઝનલ ઈન્ફેક્શન કે વાયરલ તાવના સમયે ચોખાનું પાણી પીવાથી શરીરમાં પાણીની ખામી રહેતી નથી અને તાવમાં આરામ મળે છે. ઉનાળામાં ઓસામણ પીવાથી ડિહાઈડ્રેશનની સમસ્યા રહેતી નથી.
ચોખાનું પાણી પીવાથી કબજિયાતની સમસ્યા દૂર થાય છે, પાચન સારું રહે છે અને મેટાબોલિઝમ રેટ પણ વધે છે.
ચોખાના પાણીમાં ભરપૂર પ્રમાણમાં કાર્બોહાઈડ્રેટ હોય છે જે શરીરને ઈન્સ્ટન્ટ એનર્જી આપવાનું કામ કરે છે અને શરીરને ઈન્ફેક્શનથી પણ બચાવે છે.
ઓસામણ એક ખાસ કંડીશનર પણ છે. શેમ્પૂ બાદ તેનાથી વાળ પર કંડીશનરનો ઉપયોગ કરો. તેનાથી વાળની ઈલાસ્ટિસિટી અને હેર વોલ્યૂમ વધે છે.
જો વાળ વધતા નથી કે હેરફોલથી પરેશાન છો તો ચોખાનું પાણી સારો વિકલ્પ છે. તેમાં એમીનો એસિડ હોય છે જે વાળને ખરતા અટકાવે છે. ચોખામાં વિટામીન બી, સી અને ઈ મળે છે જે હેર ગ્રોથ વધારવામાં મદદ કરે છે. અઠવાડિયામાં 2 વાર આ પાણીથી વાળ ધોવાથી તમને ફરક જોવા મળી શકે છે.
ઓસામણ સ્કીનને માટે એક સારું ક્લીન્ઝર અને ટોનરની રીતે કામ કરે છે. ફેસની કરચલીઓ દૂર કરે છે. તેને કોટનમાં લઈને ફેસ પર હળવા હાથે ઘસવાથી ફાયદો થશે. જ્યારે તે સૂકાઈ જાય ત્યારે ફેસ વોશ કરી લેવો.
જો તમે ખીલની સમસ્યાથી પરેશાન છો અને સાથે જ ખીલની લાલાશ, સોજાને દૂર કરવા ઈચ્છો છો તો નવા ખીલને રોકવામાં પણ આ પાણી તમારી મદદ કરશે. રોજ રાતના સમયે સૂતા સમયે તેને ફેસ પર લગાવી લો. સવારે ફેસ ધોઈ લો.
આ રીતે બનાવો ચોખાનું પાણી
એક વાસણમાં ચોખાથી બમણા પ્રમાણમાં પાણી મિક્સ કરો અને તેને ઉકાળો, ઉભરો આવે એટલે ગેસ ધીમો કરો અને વાસણને થોડી વાર ઢાંકી લો. પાણીમાં ચોખા ઉકળવા દો. આ પછી ચમચીથી એક ચોખાનો દાણો બહાર કાઢો ને ચેક કરો કે તે ચઢ્યો છે કે નહીં. તે ચઢે પછી પાણી ગાળી લો. પાણીને વાળ અને સ્કીન પર એપ્લાય કરો. જો તમે હેલ્થ માટે તેને પીઓ છો તો તેમાં થોડું ઘી અને મીઠું મિક્સ કરીને પીઓ. તમને લાભ થશે.