સુશાંત સિંહ રાજપૂતના સુસાઈડ કેસમાં તેની ગર્લફ્રેન્ડ રિયા ચક્રવર્તી પર તેના પિતા કેકે સિંહે એફઆઈઆર દાખલ કર્યા બાદ સમગ્ર મામલો પલટાઈ ગયો છે અને રિયા અને તેનો પરિવાર શંકાના ઘેરામાં આવી ગયો છે. જ્યારે રિયા સતત ખુદને નિર્દોષ સાબિત કરવામાં લાગેલી છે. રિયાએ હાલમાં જ સુશાંતની ગ્રેટિટ્યૂડ લિસ્ટ શેર કરી હતી અને હવે રિયાના વકીલે સુશાંત સાથેની રિયાની વોટ્સએપ ચેટના સ્ક્રીનશોટ્સ શેર કર્યાં છે.
રિયા ચક્રવર્તીઓની મુશ્કેલીઓ વધી
રિયાની વકીલે સુશાંત સાથેની એક્ટ્રેસની ચેટ શેર કરી
સોશિયલ મીડિયા પર થઈ વાયરલ
સુશાંત અને રિયાની વચ્ચે વોટ્સએપ પર જે વાતો થઈ હતી, તે પ્રમાણે-સુશાંતે લખ્યું હતું કે, તારો પરિવાર શાનદાર છે. સર (રિયાના પિતા) બહુ સારા છે. શોવિક દયાળુ છે અને તૂ પણ જે હવે મારી છે, આ જરૂરી બદલાવો પાછળ તૂ જ એક કારણ છે. તમારા બધાંની આસપાસ રહેવું મારા માટે ખુશીની વાત હશે. ચીયર્ય મારી રોકસ્ટાર બનવા માટે.
સુશાંતે આગળ લખ્યું- તૂ પ્લીઝ હસતી રહ્યાં કર. તૂ એમ જ સારી લાગે છે. હું હવે સૂવાનો ટ્રાય કરું છે. કાશ મને જમીલા જેવું કોઈ સપનું આવે. કેટલું સારું હશે ને? ટાટા...આના જવાબમાં રિયા લખે છે. હાહા..સૂઈ જા મારા વહાલા બોય. ફ્લાઈટ લેન્ડ કર્યા બાદ તને કોલ કરીશ અને આશા છે કે, તુ ચાંદ પર લેન્ડ કરીશ. સૂઈ જા સ્વીટ બાબા બોય. આ ચેટ સાંજે 6.08 મિનિટથી 6.14 મિનિટ દરમિયાન થઈ હતી.
આ પછી રાતે 8.05 વાગ્યે રિયાએ ફરી સુશાંતને મેસેજ કરીને તેનો હાલચાલ પૂછ્યો. જેના જવાબમાં સુશાંત લખ્યું- સારું નથી. મારી બહેન હવે સિડ ભાઈને વિક્ટિમ કાર્ડ તરીને મેનિપ્યુલેટ કરી રહી છે. જેથી આ સમગ્ર વાત પરથી ધ્યાન હટીને (એ વાત જેને તૂ અને હું ભૂલી ગયા છે) મારા પર આવી જાય કે, મેં ફિઝિકલી પનિશમેન્ટ આપી. આ ખૂબ જ નિરાશાજનક વાત છે.
આ પછી રાતે સાડા દસ વાગ્યે ફરી સુશાંત અને રિયાએ ચેટ કરી. પહેલાં રિયાએ તેને કહ્યું કે મીટિંગ બાદ કોલ કરે. પછી સુશાંતે જવાબ આપ્યો- (પ્રિયંકા માટે), આ ખરાબ કૃત્ય માટે. દારૂના નશામાં તમે વિક્ટિમ કાર્ડની ગેમ રમીને તેને કવરઅપ કરવાનો પ્રયાસ કરી રહ્યાં છો. તો મારી વહાલી બહેન, ત્યાં આપણી માતા છે અને ભગવાન છે. જેણે મને શીખવાડ્યું છે અને તમે એ શીખ મુજબ એક ગુનો કર્યો છે. જો તમને તમારા અહંકારને કારણે કંઇ દેખાતું નથી, તો ભગવાન જ તમારું ભલું કરે કારણ કે હું ડરતો નથી અને હું આગળ પણ એ કામ ચાલુ રાખીશ જે હું કરતો આવ્યો છું. હું દુનિયામાં બદલાવ લાવતો રહીશ. ભગવાન અને પ્રકૃતિને જ નિર્ણય લેવા દો કે કોનું કામ યોગ્ય છે.
સુશાંતે બીજો એક મેસેજ મોકલ્યો હતો તે સિડ માટે હતો. જેમાં લખ્યું હતું, મારી બહેને મારી આંખોની સામે તમને માર્યો અને લોકો સમજે છે કે, તેણે દારૂના નશામાં આવું કર્યું હશે અને તૂ એમની વિક્ટિમ કાર્ડવાળી વાતોને માની પણ રહ્યો છે. આ રીતે સુશાંત અને રિયાની વચ્ચે થયેલી વાતોમાં સુશાંતની બહેન પ્રિયંકા સિંહ તરફ ઈશારો કરી રહી છે. આ મેસેજિસથી લાગે છે કે, સુશાંતની બહેન પ્રિયંકાએ સિડ પર હાથ ઉઠાવ્યો હતો, જેનો વિરોધ સુશાંત કરી રહ્યો હતો. આ ચેટમાં રિયા સુશાંતનો સપોર્ટ કરતા જોવા મળી રહી છે. જ્યારે સુશાંત આમાં તેના તમામ સંબંધોને છોડી દેવાની વાત પણ કહે છે.