પોલમપોલ / રિયાએ કબૂલ્યુ આ લોકો લેતા હતા મારી સાથે 'ડ્રગ્સ', સારા સિવાય આ મોટા નામો આવ્યા સામે

જામીનની સુનાવણીથી થોડા કલાક પહેલા દેશની જનતાને રિયાનુ સત્ય ખબર પડી ગઇ છે. એક વીડિયો હાલ ખૂબ વાયરલ થઇ રહ્યો છે, જેમાં સુશાંત રિયા અને તેમના કેટલાક મિત્રો સાથે ડ્રગ્સ લઇ રહ્યા છે. તેમાં રિયાને સાફ રીતે જોઇ શકાય છે કે રિયા ડ્રગ્સ લઇ રહી છે. 

NCBને શું કહ્યું રિયાએ
એનસીબીને રિયાએ 25 નામ આપ્યા કે જે લોકો સાથે તે ડ્રગ્સ લેતી હતી. તેમાં તેણે સારા અલી ખાન, રકુલ પ્રીત સિંહ અને પ્રસિદ્ધ ફેશન ડિઝાઇનર સિમોન ખંભાટાનું નામ લીધુ છે. બોલિવૂડમાં ડ્રગ પાર્ટીઓ પણ ખુલ્લેઆમ થાય છે તેવુ પણ રિયાએ જણાવ્યું હતુ. 

કોણ છે આ 3 લોકો? 

સારા અલી ખાન મશહૂર ફિલ્મ એક્ટર સૈફ અલી ખાનની દીકરી છે અને પોતે પણ એક્ટ્રેસ છે. સારાએ તેની ડેબ્યુ ફિલ્મ સુશાંત સિંહ રાજપૂત સાથે કરી હતી. બાદમાં તે સુપરહિટ અભિનેત્રી બની ગઇ હતી. 

રકુલ પ્રિત સિંહ સાઉથ ઇન્ડિયાની ખૂબ જ ફેમસ અભિનેત્રી છે અને તે બોલિવૂડમાં પણ કામ કરી ચૂકી છે. રકુલ અને રિયા સાથે જીમ જતા હતા અને બંને સારા મિત્રો પણ છે. 

સિમોન ખંભાટા એક પ્રસિદ્ધ ફેશન ડિઝાઇનર છે, તે પણ રિયાની મિત્ર કહેવામાં આવે છે અને તે બંને સાથે ડ્રગ્સ પણ લેતા હતા 

રિયાના કંટ્રોલમાં હતો સુશાંત

વાયરલ થઇ રહેલા 2 વીડિયો સાબિત કરી આપે છે કે સુશાંત રિયાના કંટ્રોલમાં હતો. આ બંને વીડિયોમાં સુશાંત છે અને બેકગ્રાઉન્ડમાં એક અવાજ સંભળાય છે તે રિયાનો છે. વીડિયોમાં સ્પષ્ટપણે જોઇ શકાય છે કે સુશાંતની હાલત ખૂબ જ ખરાબ છે તે પોતાના હોશમાં નથી, રિયા જે પણ કહે છે સુશાંત તે બધુ જ કરે છે. 

આ પ્રકારના વીડિયોથી તે સાબિત થાય છે કે સુશાંત તેના ભાનમાં નહોતો રહેતો, આટલી ખરાબ હાલતમાં સુશાંતની આસપાસ રહેલા લોકોએ સુશાંતનુ ધ્યાન કેમ ન રાખ્યુ તે પણ પ્રશ્ન બને છે. હવે સુશાંત કેસ ક્યા કોર્નર પર જઇને સોલ્વ થાય છે તે જોવુ રહ્યું.