સુશાંત કેસ / રિયાએ બૉલીવુડના આ 18થી 19 સેલેબ્સના નામ જાહેર કર્યા હોવાની ચર્ચા, NCB કરી શકે કાર્યવાહી

સૂત્રો પ્રમાણે NCB પાસે 18 થી 19 કલાકારોના નામ છે જેમની એજન્સી કડક તપાસ કરી શકે છે કારણ કે આ બધા નામો NCBના રડાર પર છે. આ મામલામાં રિયાના ભાઈ શૌવિક ચક્રવર્તી અને સુશાંતના ઘરના મેનેજર સેમ્યુઅલ મિરાન્ડાની ધરપકડ થઈ ચૂકી છે.

આ કલાકારોની થઇ શકે છે પૂછપરછ 

કહેવામાં આવી રહ્યું છે કે આ બંનેએ પણ પૂછપરછ દરમિયાન બૉલીવુડના મોટા કલાકારોના નામ લીધા છે. એવું માનવામાં આવે છે કે આ કેસમાં રિયાની ધરપકડ બાદ NCB બૉલીવુડના આ કલાકારોને પૂછપરછ માટે બોલાવી શકે છે.

રિયાની વોટ્સએપ ચેટમાં ડ્રગ્ઝની વાત આવી સામે

આ મામલામાં મની લોન્ડરિંગ એંગલથી તપાસ કરી રહેલા એન્ફોર્સમેન્ટ ડિરેક્ટોરેટ (ED)ને ડ્રગના વ્યવહાર અંગે રિયાના વોટ્સએપ ચેટ્સથી ખબર પડી. ડ્રગ કોર્ટેલ કેસ પ્રકાશમાં આવ્યા બાદ EDએ આ કેસ NCBને મોકલી આપ્યો હતો. આ વાતચીતમાં રિયા તેના ભાઈ શૌવિક, મિરાન્ડા અને અન્ય લોકો સાથે ડ્રગ વિશે વાત કરતી પકડાઈ હતી. 

આ કેસમાં ધરપકડ કરવામાં આવતા, શૌવિક અને મિરાન્ડાએ પૂછપરછ દરમિયાન કબૂલ્યું હતું કે, તેઓએ રિયાના ઇશારે ડ્રગ્સ ખરીદ્યા હતા. એવું કહેવામાં આવી રહ્યું છે કે પૂછપરછના બીજા દિવસે NCB રિયાને શૌવિક અને મિરાંડાની સામે બેસાડીને પૂછપરછ કરી હતી. રવિવારે NCBએ પહેલી વખત રિયા સાથે આશરે 6 કલાક સુધી વાત કરી હતી.

રિયાના વકીલે આપ્યો જવાબ

રવિવારે પૂછપરછ શરૂ થાય તે પહેલાં રિયાના વકીલ સતીષ માનશીંદે કહ્યું હતું કે તેમની ક્લાયંટ નિર્દોષ છે. માનશીંદે કહ્યું, 'રિયા ધરપકડ માટે તૈયાર છે. જો પ્રેમ ગુનો છે, તો તે તેના માટે દંડ ચૂકવશે. નિર્દોષ હોવા છતાં, તેણે આગોતરા જામીન માટે કોર્ટનો સંપર્ક કર્યો નથી. તે તમામ તપાસ એજન્સીઓને સહયોગ આપી રહી છે.'