સુશાંત સિંહ રાજપૂતની મોત બાદથી જ તેના કેસમાં નવા નવા ખુલાસા સામે આવી રહ્યાં છે. જેમાં તેની કથિત ગર્લફ્રેન્ડ રિયા ચક્રવર્તી અને તેનો પરિવાર શંકાના ઘેરામાં છે. તમામ આરોપો બાદ રિયાએ શુક્રવારે ઈડી સમક્ષ હાજર થઈ પોતાનું નિવેદન નોંધાવ્યું છે. હવે રિયાએ તેની ડાયરીનો એક પેજ શેર કર્યો છે. રિયાએ દાવો કર્યો છે કે, એ ડાયરીમાં સુશાંતે આ વાતો લખી હતી.
ઈડીએ રિયાની 8 કલાક પૂછપરછ કરી
હવે રિયાએ તેની ડાયરીનો એક પેજ શેર કર્યો
રિયાએ દાવો કર્યો છે કે સુશાંતે તેના માટે આ વાતો લખી છે
રિયાએ એવો પણ દાવો કર્યો છે કે, સુશાંતની નિશાની અને પ્રોપર્ટીના નામે તેની પાસે માત્ર આ ડાયરી છે. જેના પર સુશાંતે તેના અને તેના પરિવાર વિશે લખ્યું હતું. રિયાએ દાવો કર્યો છે કે આ ડાયરીમાં સુશાંતની હેન્ડરાઈટિંગ છે.
આ પેજમાં જોઈ શકાય છે કે, લખનારે જણાવ્યું છે કે, તે પોતાના જીવન માટે આભારી છે. સાથે જ લિલ્લૂ, બેબૂ, સર, મેમ અને ફઝને પામીને પણ આભારી છે. રિયાએ એક રિપોર્ટમાં જણાવ્યું કે, આ સુશાંતની હેન્ડરાઈટિંગ છે. લિલ્લૂ શોવિક છે. બેબૂ હું છું. સર મારા પિતા છે અને મેમ મારી માતા છે. સાથે જ ફઝ સુશાંતના ડોગીનું નામ છે. રિયાએ તેના વકીલ દ્વારા તેના ડાયરીનો આ પેજ શેર કર્યો છે.
આ સાથે જ રિયાએ એવું પણ કહ્યું છે કે, આ ડાયરી સિવાય તેની પાસે સુશાંતની નિશાની તરીકે તેનું સિપર છે. તમને જણાવી દઈએ કે, શુક્રવારે રિયા સહિત તેના પરિવારની પૂછપરછ કરવામાં આવી હતી. જેમાં સુશાંતના એકાઉન્ટમાંથી 15 કરોડ રૂપિયા કાઢવાથી લઈ રિયા અને તેના ભાઈ શોવિકની સ્ટાર્ટઅપ કંપનીઓ અંગે ઈડીએ પૂછપરછ કરી હતી.