ટીવીનો વિવાદિત રિયાલિટી શો બિગ બોસની આગામી સીઝનને લઈને ચર્ચાઓ શરૂ થઈ ગઈ છે. ત્યારે હવે બિગ બોસ 15ના કન્ટેસ્ટન્ટ વિશે અટકળો ચાલી રહી છે. તો ચાલો આજે જાણીએ કન્ટેસ્ટન્ટની લિસ્ટ.
બિગ બોસની આગામી સીઝનને લઈને ચર્ચાઓ શરૂ થઈ ગઈ
બિગ બોસ 15ના કન્ટેસ્ટન્ટ વિશે અટકળો ચાલી રહી છે
આ કન્ટેસ્ટન્ટ બિગ બોસ 15માં જોવા મળી શકે છે
આજે અમે તમને સંભવિત કન્ટેસ્ટન્ટની લિસ્ટ જણાવીશું. સમાચારો અનુસાર, આગામી સીઝનમાં તારક મહેતાની દયાબેન એટલે કે દિશા વાકાણી અને અભિનેત્રી રિયા ચક્રવર્તી પણ સામેલ થશે. આ બે સિવાય ઘણાં નામ સામે આવી રહ્યાં છે. જોકે, આ નામ અંગે હજી સુધી કોઈ સત્તાવાર ઘોષણા થઈ નથી. તમને જણાવી દઈએ કે પાછલી સીઝનના ફિનાલેમાં જાહેરાત કરવામાં આવી હતી કે બિગ બોસ 15માં ઘણું બધું અલગજોવા મળશે. સાથે જ હાલની મીડિયા રિપોર્ટ અનુસાર અનુષા દાંડેકર, દિશા વાકાણી, પાર્થ સમથાનનો આગામી સીઝનના સ્પર્ધકો માટે સંપર્ક કરવામાં આવ્યો છે.
આ સિવાય આ શોમાં સુરભી ચંદાના, કૃષ્ણ અભિષેક, મોહસીન ખાન, નિયા શર્મા અને એક્ટ્રેસ રિયા ચક્રવર્તી પણ જોવા મળી શકે છે. અભિનેતા સુશાંત સિંહ રાજપૂતનાં મોત બાદ રિયા ભારે વિવાદમાં રહી હતી. ડ્રગ્સ કેસમાં એનસીબી દ્વારા તેની ધરપકડ પણ કરાઈ હતી. આ સિવાય ગત સીઝનના કન્ટેસ્ટન્ટ રાહુલ વૈદ્યની ગર્લફ્રેન્ડ દિશા પરમારનું નામ પણ બિગ બોસ 15 માટે આવી રહ્યું છે. સલમાન ખાને પહેલાં જ જાહેરાત કરી દીધી હતી કે બિગ બોસ 15માં સેલેબ્સ સિવાય કોમનર્સ પણ જોવા મળશે.
ટીવી સીરિયલ 'તારક મહેતા કા ઉલ્ટા ચશ્મા'ની દયાબેન એટલે કે દિશા વાકાણી આ સીઝનમાં જોવા મળી શકે છે.
આ સીઝનમાં દિવ્યાંકા ત્રિપાઠી અને તેના પતિ વિવેક દહિયાના નામ સામે આવી રહ્યાં છે.
એવા સમાચાર છે કે નિયા શર્મા બિગ બોસના ઘરમાં જોવા મળી શકે છે.
એવું કહેવામાં આવી રહ્યું છે કે બહેન આરતી સિંહ પછી કૃષ્ણ અભિષેક આ સીઝનમાં દેખાઈ શકે છે.
નાગિન 5માં પોતાના અભિનયથી દર્શકોના દિલ પર રાજ કરનારી સુરભી ચંદાના પણ આ શોમાં જોવા મળી શકે છે.
બાલિકા વધુ ફેમ અભિનેત્રી નેહા મર્દાએ હાલમાં પુષ્ટિ કરી હતી કે બિગ બોસ 15 માટે તેનો સંપર્ક કરવામાં આવ્યો છે.
અહેવાલ છે કે પાર્થ સમથાન આ શોમાં જોવા મળી શકે છે.
એવું કહેવામાં આવી રહ્યું છે કે બોયફ્રેન્ડ રાહુલ વૈદ્ય પછી હવે દિશા પરમાર પણ આ સીઝનમાં એક સ્પર્ધક તરીકે દેખાઈ શકે છે.
બિગ બોસ 15માં શો 'યે રિશ્તા ક્યા કેહલાતા હૈ'નો મોહસીન ખાન પણ દેખાઈ શકે છે.
આ સિવાય સમાચાર છે કે ટીવી અભિનેત્રી અનુષા દાંડેકર, અભિનેતા કરણ કુંદ્રા સાથેના બ્રેકઅપ બાદ ચર્ચામાં આવી હતી. નિર્માતાઓએ બિગ બોસ 15નો ભાગ બનવા માટે તેનો પણ સંપર્ક કર્યો છે.
અભિનેત્રી સનાયા ઈરાની પણ બિગ બોસ 15માં જોવા મળી શકે છે.