સુશાંત સિંહ રાજપૂતના નિધન બાદ સૌથી વધારે ચર્ચાયેલુ નામ રિયા ચક્રવર્તીનું રહ્યું છે. સુશાંત કેસમાં ડ્રગ્સના મામલામાં ધરપકડ કરવામાં આવી હતી અને ઘણા દિવસ જેલમાં કાપ્યા બાદ હવે રિયા પોતાના કરિયર પર ધ્યાન આપી રહી છે. 2020ની ખરાબ યાદોને ભૂલાવીને નવા કામ કરવા ઇચ્છી રહી છે.
રુમિ જાફરીએ આપી રિયાને સાંત્વના
રુમિ જાફરીએ આ વાતને ગણાવી અફવા
રિયા ચક્રવર્તી કમબેક કરવા તૈયાર
રિયા ચક્રવર્તી અને સુશાંત સિંહ રાજપૂતના મિત્ર અને રાઇટર-ડાયરેક્ટર રૂમી જાફરીએ આ વિશે જાણકારી આપી છે.
રૂમી જાફરીએ તાજેતરમાં જ સ્પોટબોયને એક ઇન્ટરવ્યૂ આપ્યો હતો, જેમાં તેણે કહ્યું હતું કે આ વર્ષ રિયા ચક્રવર્તી માટે આઘાતજનક હતું. આ વર્ષ દરેક માટે ખૂબ જ ઉદાસીભર્યું રહ્યું પરંતુ તેના માટે અલગ ટ્રોમા હતો. એક મિડલક્લાસ છોકરી જેલમાં મહિનો રહીને આવે તો તેના પર શું વિતે તે આપણે કલ્પી પણ ન શકીએ.
રૂમિ જાફરીએ રિયાને ખાતરી આપી છે કે આખી ફિલ્મ ઇન્ડસ્ટ્રી ખુલ્લા હૃદયથી તેનું સ્વાગત કરશે. તેણે જણાવ્યું કે હાલમાં જ તે રિયાને મળી હતી. તે ખૂબ શાંત હતી અને વધારે વાત કરતી નહોતી. તેણે વધુમાં કહ્યું કે, પીડામાંથી પસાર થયા પછી પણ તેના પર આરોપ લગાવી શકાય નહીં. હમણાં જ્યારે બધું શાંત થઈ જશે, મને ખાતરી છે કે રિયા કંઈક કહેશે.
તમને જણાવી દઈએ કે સુશાંત સિંહ રાજપૂત 14 જૂને તેના મુંબઈના ઘરે મૃત હાલતમાં મળી આવ્યો હતો. સીબીઆઈ, ઇડી અને એનસીબી ત્રણેય એજન્સીઓ આ કેસની તપાસ કરી રહ્યાં છે. સુશાંતના મૃત્યુ પછી ડ્રગ્સના કેસમાં રિયાનું નામ સામે આવ્યું, ત્યારબાદ તેને અને તેના ભાઈ શૉવિકને પણ જેલમાં જવું પડ્યું.
ડ્રગ્સના કેસમાં રિયા એક મહિનાથી જેલમાં હતી. તે પછી બોમ્બે હાઈકોર્ટે તેમને જામીન આપ્યા હતા. તે જ સમયે, શૉવિકને બોમ્બે હાઈકોર્ટે ત્રણ મહિના પછી જામીન આપી દીધા હતા.
સુશાંતના ઘરે હતી રિયા
રિપોર્ટ્સ મુજબ ભાજપના મુંબઈ સેક્રેટરી એડવોકેટ વિવેકાનંદ ગુપ્તાએ જણાવ્યું કે તેમને એક સાક્ષી પાસેથી ખબર પડી છે કે સુશાંતે 13 જૂનની રાતે રિયાને ઘરે ડ્રોપ કરી હતી. ગુપ્તાએ કહ્યું કે તેમને કહેવામાં આવ્યું છે કે રિયા અને સુશાંત મોડી રાતે 3 વાગ્યે સાથે જોવા મળ્યા હતા. જ્યારે રિયા કહે છે કે તે 8 જૂનથી સુશાંતને મળી નથી. તેમણે રિપબ્લિક ટીવીને જણાવ્યું કે 13 જૂનની રાત્રે એક મોટા પોલિટિશિયનનો જન્મદિવસ હતો. અન્ય એક રાજકારણીએ ટ્વિટ કર્યું હતું કે લોકડાઉન થયા પછી પણ મોટી પાર્ટી હોઈ શકે છે. આનો અર્થ એ થયો કે એ મંત્રી જાણે છે કે આ પાર્ટીમાં કોણ કોણ આવ્યું હતું.
સુશાંતની બહેને આ સમાચારને ગેમ ચેન્જર ગણાવ્યા
બીજી તરફ સુશાંતની બહેન શ્વેતા સિંહ કીર્તિએ આ સમાચાર સોશિયલ મીડિયા પર પોસ્ટ કર્યા છે. તેણે લખ્યું છે કે આ બ્રેકિંગ ન્યૂઝ ખરેખર ગેમ ચેન્જર છે. એક સાક્ષી પુષ્ટિ આપી રહ્યો છે કે 13 જૂનની રાત્રે ભાઈ રિયાને મળ્યો હતો. તો 13 જૂનની રાતે એવું તો શું થયું કે બીજા દિવસ સવારે સુશાંત મૃત હાલતમાં મળી આવ્યો.