સુશાંત સિંહ રાજપૂત આત્મહત્યા કેસમાં તેના પિતા કે કે સિંહે પટનામાં રિયા ચક્રવર્તી વિરુદ્ધ ફરિયાદ નોંધાવતા પટનાથી 4 પોલિસ કર્મચારીની ટીમ મુંબઇ પહોંચી હતી પરંતુ જ્યારે પોલિસ તપાસ માટે રિયાના ઘરે પહોંચી ત્યારે રિયા તેના ઘરેથી ગાયબ થઇ ગઇ હતી.
સુશાંતની ગર્લફ્રેન્ડ રિયા ગાયબ
પટના પોલિસ પહોંચી રિયાના ઘરે
રિયાએ કરી સુપ્રિમ કોર્ટમાં અરજી
સુશાંતના મોતને બે મહિના થવા આવ્યા ત્યારે તેના પિતાએ ફરિયાદ નોંધાવી હતી પરંતુ પોલિસને માત્ર નિરાશા જ હાથ લાગી છે કારણકે રિયા તેના ઘરે હતી જ નહી તે પોલિસ મુંબઇ પહોંચે તે પહેલા ગાયબ થઇ ગઇ હતી.
બિહાર પોલિસ રિયાને હવે મુંબઇમાં જ અલગ અલગ જગ્યાએ શોધી રહી છે. જેથી આ મુદ્દે રિયાનું નિવેદન લઇ શકે. રિયાના વકીલે સુપ્રિમ કોર્ટમાં માગ કરી છે કે આ કેસને મુંબઇ ટ્રાન્સફર કરી દેવામાં આવે.
તમને જણાવી દઇએ કે, કેસ ફાઇલ થયા બાદ રિયાએ દેશના સૌથી મોંઘા વકીલોમાંના એક સતીષ માનશિંદેને હાયર કર્યા છે. જેમણે સલમાન ખાન અને સંજય દત્તના કેસ લડ્યા છે. પ્રખ્યાત વકીલ માનશિંદેએ 1993ના સંજય પર લાગેલા બોમ્બ બ્લાસ્ટનો કેસ તથા 1998નો સલમાનનો બ્લેકબકને કેસ લડ્યો હતો.
બોલિવૂડના પ્રખ્યાત અભિનેતા સુશાંત સિંહ રાજપૂતે 14 જૂનના રોજ તેમના મુંબઇ ખાતેના ઘરમાં આત્મહત્યા કરી લીધી હતી. તેમના આકસ્મિક અવસાનના કારણે પરિવાર અને તેમના ચાહકોમાં દુખની લાગણી ફરી વળી હતી. હાલમાં સુશાંતના પિતા કે કે સિંહે એક્ટરની ગર્લફ્રેન્ડ રિયા વિરુદ્ધ ઘણા આરોપ લાગાવીને કેસ ફાઇલ કર્યો છે. હવે આ કેસમાં આગળ શું થાય છે તે જોવુ રહ્યું.