બોલિવૂડ અભિનેતા સુશાંત સિંહ રાજપૂતના નિધન બાદથી સોશિયલ મીડિયા પર તેની કથિત ગર્લફ્રેન્ડ રિયા ચક્રવર્તી પર નિશાન સાધવામાં આવી રહ્યું છે અને તેને ખૂબ ટ્રોલ કરવામાં આવી રહી છે. હદ તો ત્યારે થઈ છે જ્યારે રિયાને રેપ અને જાનથી મારી નાખવાની ધમકી પણ મળી રહી છે. જે બાદ એક્ટ્રેસનો પિત્તો ગયો છે અને તેણે જડબાતોડ જવાબ આપ્યો છે.
સુશાંતની કથિત ગર્લફ્રેન્ડ રિયાને મળી રહી છે ધમકીઓ
યુઝર્સ તેનો રેપ કરવાની અને મારી નાખવાની આપી રહ્યાં છે ધમકી
તો હવે રિયાએ આ લોકોને આપ્યો જડબાતોડ જવાબ
રિયાએ ઈન્સ્ટાગ્રામ પર એક ચેટનો સ્ક્રીનશોટ શેર કર્યો છે. જેમાં એક યુઝરે તેનો રેપ કરવાની અને તેને મારી નાખવાની ધમકી આપી છે. સ્ક્રીનશોટમાં લખ્યું છે- હું એ નિશ્ચિત કરીશ કે તારો રેપ અને મર્ડર થાય. સુસાઈડ કરી લે નહીંતર હું કેટલાક લોકોને તને મારી નાખવા મોકલીશ.
આના જવાબમાં રિયાએ જડબાતોડ જવાબ આપતા લખ્યું- મને મર્ડરર કહેવામાં આવી હું ચુપ રહી, મને ગોલ્ડ ડિગર કહેવામાં આવી પણ હું ચુપ રહી પણ મારું મૌન તમને એ અધિકાર કઈ રીતે આપે છે કે જો હું સુસાઈડ ન કરું તો તમે મારો રેપ અને મર્ડર કરાવશો? તમને એ વાતનો એહસાસ છે કે તમે કેટલી ગંભીર વાત કહી છે? આ બધું ક્રાઈમ છે અને કાયદા મુજબ કોઈપણ કોઈને આ રીતે હરાસમેન્ટ કરી શકે નહીં. આ સાથે જ રિયાએ સાઈબર ક્રાઈમ હેલ્પલાઈન અને સાઈબર ક્રાઈમ ઈન્ડિયાને પણ ટેગ કરતાં કડક કાર્યવાહી કરવાની અપીલ કરી છે.
સુશાંતની મોતને એક મહિનો થતાં રિયાએ તેને યાદ કરતાં એક ઈમોશનલ પોસ્ટ પણ શેર કરી હતી. જે બાદ પણ લોકોએ તેને ખૂબ ટ્રોલ કરી હતી અને આ બધું નાટક ન કરવાનું કહ્યું હતું. તમને જણાવી દઈએ કે, રિયાએ 14 જૂન બાદથી સોશિયલ મીડિયાથી દૂર થઈ ગઈ હતી. જે બાદ 14 જુલાઈ રિયાએ સુશાંતને યાદ કરતા પોસ્ટ શેર કરી હતી. મુંબઈ પોલીસ રિયાની 9 કલાક પૂછપરછ કરી ચૂકી છે.