બોલિવૂડ / એક મહિનાના લાંબા સમય બાદ રિયા ચક્રવર્તી આવી જેલમાંથી બહાર

• રિયા ચક્રવર્તી જામિન પર બહાર 
• રિયા એક મહિના બાદ આવી બહાર 
• કડક સુરક્ષા વચ્ચે રિયા જેલમાંથી બહાર

બુધવારે મુંબઇ હાઇ કોર્ટે કુલ 5 લોકોની જામિન અરજી પર નિર્ણય સંભળાવ્યો. રિયા, દિપેશ અને મિરાન્ડાને જામિન પર છોડ્યા છે. હાઇકોર્ટે જામિન તો આપી પરંતુ તેનો પાસપોર્ટ જમા કરી લેશે. જેથી તે દેશની બહાર ન જઇ શકે. શહેરની બહાર જવા માટે પણ તેણે પોલિસની પરમિશન લેવી પડશે. 

ક્યારે થઇ ધરપકડ
રિયા ચક્રવર્તીને એનસીબીએ 8 સપ્ટેમ્બરે ધરપકડ કરી હતી. રિયાની ધરપકડ બાદ તેની સાથે કડક રીતે પૂછપરછ કરવામાં આવી હતી. પહેલા તો ઘણા દિવસો સુધી સીબીઆઇએ પૂછપરછ કરી હતી. બાહમાં એનસીબી આવી તો અચાનક એક્શન વધી ગયા હતા. 

રિયા ચક્રવર્તીને 1 લાખ રૂપિયાના બોન્ડ પર જામીન મળ્યા છે. રિયાએ તેનો પાસપોર્ટ જમા કરાવવો પડશે. સાથે જ તેને મુંબઈથી બહાર જવા માટે મંજૂરી લેવી પડશે. જ્યારે પણ રિયાને પૂછપરછ માટે બોલાવવામાં આવે ત્યારે હાજર થવુ પડશે. તમને જણાવી દઈએ કે, એનસીબીએ 8 સપ્ટેમ્બરે રિયાની ધરપકડ કરી હતી. રિયા પર સુશાંત સિંહ રાજપૂત માટે ડ્રગ્સ લાવવાનો અને વેચવાનો આરોપ છે. 

સામે આવી હતી ડ્રગ્સ ચેટ
રિયા અને તેના ભાઈ શૌવિકની ઘણી ડ્રગ્સ ચેટ પણ સામે આવી ચૂકી હતી. સેમ્યુઅલ મિરાન્ડાની સાથે પણ રિયાની ડ્રગ્સ ચેટનો ખુલાસો થયો હતો. આ તમામ ચેટ્સ સામે આવ્યા બાદ રિયા, સેમ્યુઅલ, શૌવિકની એનસીબીએ ધરપકડ કરી હતી. રિયા અને શૌવિક સામે એનસીબીને ગંભીર પુરાવા મળતા તેમની ધરપકડ કરી ભાયખલા જેલમાં બંધ કરી દીધા હતા.