મુંબઇ / ધરપકડ બાદ રિયા ચક્રવર્તીને 14 દિવસની જ્યુડિશ્યલ કસ્ટડી, જામીન અરજી કોર્ટે ફગાવી

• સુશાંત સિંહ રાજપૂત આત્મહત્યા મામલો
• રિયા ચક્રવર્તીની 14 દિવસની કસ્ટડી મંજૂર

ઉલ્લેખનીય છે કે, વીડિયો કોન્ફરન્સિંગ દ્વારા મેજિસ્ટ્રેટ કોર્ટમાં રજૂ કરવામાં આવી હતી ત્યાં મોડી રાત સુધી સુનાવણી ચાલી હતી. NCBએ રિયાની 14 દિવસની જ્યુડિશ્યલ કસ્ટડી માંગી હતી. જો કે NCBએ સ્પષ્ટ કર્યુ હતું કે તે કસ્ટડી વધારવાની માંગ નહીં કરે પરંતુ રિયા દ્વારા જમાનત માંગવામાં આવશે તો તેનો વિરોધ કરશે.

સુશાંત સિંહ રાજપૂત આત્મહત્યા કેસમાં દરરોજ નવા-નવા વળાંકો આવી રહ્યા છે. તો NCB દ્વારા સંબંધિત લોકોની ધરપકડ પણ કરવામાં આવી રહી છે. ત્યારે છેલ્લા ત્રણ દિવસથી રિયા ચક્રવર્તી પૂછપરછ વચ્ચે તેની ધરપકડના ભણકારા વાગી રહ્યા હતા. અંતે આજે સાંજે તેની ધરપકડ કરવામાં આવી હતી. જો કે, ત્યારબાદ તેનો કોરોના રિપોર્ટ કરવામાં આવ્યો હતો. જે નેગેટિવ આવ્યા બાદ મેજિસ્ટ્રેટ સમક્ષ રજૂ કરવામાં આવી હતી જ્યાં NCB દ્વારા 14 દિવસની કસ્ટડી માગવામાં આવી હતી. જે મંજૂર થયાં હતા. જો કે, તેના જામીનને લઇને હજી ચુકાદો આવવાનો બાકી છે.

રિમાન્ડ કોપીમાં શેનો ઉલ્લેખ?

મહત્વનું છે કે આજે રિયાની NCBની ધરપકડ કરવામાં આવી હતી જેમાં તેના 14 દિવસના જ્યુડિશ્યલ કસ્ટડી માંગવા માટે મેજિસ્ટ્રેટ સમક્ષ રજૂ કરવામાં આવી હતી. રિમાન્ડ કોપીમાં એ મહત્વની વાતનો ઉલ્લેખ કરવામાં આવ્યો છે કે રિયા ડ્રગ્સ સિન્ડિકેટની એક્ટિવ મેમ્બર હતી અને તેને તે વાતનો સ્વીકાર કર્યો હતો કે તે સુશાંત સિંહ રાજપૂત માટે ડ્રગ્સની ખરીદી કરતી હતી અને પોતાની પાસે રાખતી હતી. તેણે એ વાતનો પણ સ્વીકાર કર્યો કે દિપેશ સાવંત, સેમ્યુઅલ મિરાંડા અને શોવિક ચક્રવર્તીને ડ્રગ્સ ખરીદવા માટે પૈસા પણ આપ્યા હતાં.

જો કે રિમાન્ડ કોપીમાં રિયા પોતે ડ્રગ્સ લેતી હતી તેવી કોઈ વાતનો ઉલ્લેખ નથી.

NCB રિયાના જવાબોથી સંતુષ્ટ

બોલીવુડ અભિનેત્રી રિયા ચક્રવર્તીની ધરપકડ બાદ મંગળવારે રાત્રે NCBએ એક પ્રેસ કોન્ફરન્સમાં કહ્યું હતું કે તે રિયાએ આપેલા પ્રશ્નોના જવાબોથી સંતુષ્ટ છે. ઉલ્લેખનીય છે કે NCB છેલ્લા ત્રણ દિવસથી રિયા ચક્રવર્તીની પૂછપરછ કરી રહી હતી. પહેલા દિવસે રિયાની 6 કલાક પૂછપરછ કરવામાં આવી હતી અને બીજા દિવસે આ પૂછપરછ 8 કલાક સુધી ચાલી હતી. ત્રીજા દિવસે લગભગ 3 કલાકની પૂછપરછ બાદ રિયાની ધરપકડ કરવામાં આવી હતી.