હદ છે / ભાઇ-બહેનની મિલીભગતનો દાવો: રિયા અને શોવિક સુશાંતને 'ડ્રગ્સ' આપતા હતા, ચૅટ આવી સામે

• રિયા શૉવિક પાસે મંગાવતી હતી ડ્રગ્સ
• રિયાનો ઇન્ટરવ્યૂ પડશે તેના પર ભારે 
• સુશાંતને ભાઇ બહેન ડ્રગ્સ આપતા હતા

NCB હવે સુશાંત કેસમાં ડ્રગ એન્ગલથી તપાસ કરી રહી છે અને અત્યાર સુધી 5 લોકોની ધરપકડ કરી ચુકી છે. અત્યાર સુધી રિયાએ આપેલા જવાબોમાં તે પોતે જ ફસાતી દેખાય છે. હાલમાં તે રિયા અને તેના ભાઇ શોવિકની વ્હોટ્સઍપ ચૅટ વાયરલ થઇ રહી છે. જેમાં બંને ભાઇ બહેન ડ્રગ્સને લઇને એકબીજા સાથે વાત કરી રહ્યાં છે. 

રિયાના નિવેદન પડ્યા ખોટા

સુશાંત કેસમાં રોજ નવા ખુલાસા થાય છે અને તે કેસને વધારે ને વધારે ગુંચવી રહ્યાં છે. રિયા ચક્રવર્તીએ તેના ટીવી ઇન્ટરવ્યૂમાં આ વાતને કબૂલ કરી હતી કે સુશાંત ડ્રગ્સ લેતો હતો પરંતુ તેને ડ્રગ્સ સાથે કંઇ લેવા દેવા નથી. હાલમાં જ રિયા અને શોવિક ચક્રવર્તીની ચૅટ વાયરલ થઇ રહી છે, જેમાં તે પોતે પોતાના ભાઇ પાસે ડ્રગની ડિમાન્ડ કરી રહી છે. ઇન્ડિયા ટુડેની રિપોર્ટ અનુસાર રિયા શોવિકને કોઇક માટે બડ્સ લાવવા માટે કહી રહી છે. 

લીક થયેલી આ ચૅટ 15 માર્ચ 2020ની છે. રિયા શોવિકને કહી રહી છે કે તે દિવસમાં 4 ફૂંકે છે તો તે રીતે પ્લાન કરજે. રિપ્લાયમાં શોવિક લખે છે કે શું તેને બડ જોઇએ છે? આ પ્રકારની રિયાની ઘણી બધી ચૅટ વાયરલ થઇ છે. 

આ બાદ રિયા લખે છે કે હા બડ પણ જોઇએ છે. બાદમાં શોવિક રિપ્લાય આપે છે કે આપણે 5 ગ્રામ બડ લઇ શકીએ આ 20 સિગરેટ બનાવી શકે. 

તમને જણાવી દઇએ કે બડ એક પ્રકારનુ ડ્રગ છે જે મુંબઇમાં ખાસુ ફેમસ છે. વિદેશથી આ ડ્રગને લાવવામાં આવે છે અને તે કોકેન કરકા પણ વધારે મોંઘુ છે. રિયા અને શોવિકની ચૅટ બંનેની મુશ્કેલીઓ વધારી શકે છે. આવામાં મુંબઇ પોલિસે 2 ડ્રગ પેડલરની ધરપકડ કરી છે. પકડાયેલા લોકોએ રિયાના ભાઇ શોવિકનું નામ આપ્યું છે.