બઘડાટી બોલી / જાનૈયાઓએ દુલ્હનની છેડતી કરી: કન્યાપક્ષે ધોકાવાળી કરી આખી રાત બંધક બનાવ્યા, વરને ઉપાડી ચોકમાં મુકી આવ્યા

• જાનૈયા અને માંડવીયા વચ્ચે ડખ્ખો થયો
• આખી રાત જાનૈયાઓને બંધક બનાવી રાખ્યા
• કન્યા પક્ષે ધોકાવાળી કરી

મધ્ય પ્રદેશના રીવામાં યુવતીવાળાઓ દ્વારા જાનૈયાઓને બંધક બનાવીને ઢીબવાનો કિસ્સો સામે આવ્યો છે. એટલું જ નહીં દુલ્હનને છોકરાની માનસિક સ્થિતી સારી ન હોવાનો પણ આરોપ લગાવ્યો હતો, તેથી તેણે લગ્ન કરવાની ના પાડી દીધી. જો કે, બાદમાં બેને પક્ષ વચ્ચે પોલીસે સમાધાન કરાવી લીધું હતું. હકીકતમાં રિવાના મઉગંજ પોલીસ સ્ટેશન હદ વિસ્તારમાં આવતા વનપડાર ગામમાં ડખો થતાં જાનૈયાઓને કન્યાપક્ષવાળાઓએ બંધક બનાવી દીધા હતા. જોતજોતામાં બંને પક્ષ વચ્ચે વિવાદ એટલો વધી ગયો કે, દુલ્હને અચાનક યુવત સાથે લગ્ન કરવાની ના પાડી દીધી. તેનો કહેવાનો અર્થ એ હતો કે, યુવકની માનસિક સ્થિતી ખરાબ છે. 

જાનૈયાઓએ છેડતી કરી

તેની સાથે જ યુવતીવાળાનો આરોપ છે કે, જાનૈયાઓએ તેમના ઘરની છોકરીઓની છેડતી કરી હતી. ત્યાર બાદ વરમાળા દરમિયાન દુલ્હનને ખોટી જગ્યાએ ટચ કરવાના પણ અટકચાળા કર્યા હતા. આ બાજૂ વરના પિતાએ કન્યાપક્ષના લોકો પર 75 હજારની લૂંટ કરી હોવાનો આરોપ લગાવ્યો હતો, સાથે જ કહ્યું કે, છોકરીવાળાઓએ ચડાવા માટે લાવેલા સોના ચાંદીના ઘરેણાં પણ જપ્ત કરી લીધા છે. 

વરને માંડવેથી ઉઠાવ્યો

પોલીસના જણાવ્યા અનુસાર વનપડાર ગામમાં રહેતા યાદવ પરિવારની દિકરીના લગ્ન નજીકના મનિકવાર ગામના નિવાસી અમૃતલાલના દિકરા પ્રદ્યમ્ન યાદવ સાથે નક્કી થયા હતા. મંગળવારે જાન ગામડે પહોંચી હતી. જ્યાં વિવાહની રસમો થઈ રહી હતી. આ દરમિયાન મોડી રાતે જાનૈયા અને માંડવિયા વચ્ચે ડખો થયો હતો. જોત જોતામાં વિવાદ એટલો વધી ગયો કે, કન્યા પક્ષના લોકોએ તમામ વિધિ રોકી દીધી.

આખી રાત બંધક બનાવી રાખ્યા

આ દરમિયાન ત્યાં એકઠાં થયેલા લોકોએ જાનૈયાઓને ગામમાં બંધક બનાવી દીધા. ડ્રાઈવર સહિત જાનને આખી રાત બંધક બનાવીને રાખ્યા. સવાર થતાં જ કન્યાપક્ષે વરને મંડપમાંથી બહારનો રસ્તો બતાવી દીધો હતો. ચાર પાંચ જણાવે વરને ઉઠાવી રસ્તા પર લાવીને છોડી મુક્યો.

દુલ્હન સાથે છેડતી થતાં વિવાદ થયો

પોલીસના જણાવ્યા અનુસાર બંને પક્ષ વચ્ચે વિવાદ ત્યાર વધ્યો જ્યારે લગ્નની રસમ શરૂ થઈ, અમુક જાનૈયાઓએ દુલ્હનની મશ્કરી કરી, જેમાં મહિલાઓને પણ ટાર્ગેટ કરવામાં આવી હતી. જો કે, વિવાદ શાંત થઈ ગયો, પણ વરમાળા દરમિયાન જાનમાં આવેલા અમુક યુવકોએ દુલ્હનની છેડતી કરી. આ જોઈને કન્યાપક્ષવાળાઓએ ધોકા ઉપાડ્યા અને વર સહિત આખી જાનને બંધક બનાવી દીધી. વર પક્ષે કન્યા પક્ષ તરફથી ધોકાવાળી કરી હોવાનો પણ આરોપ લગાવ્યો હતો.

બંને પક્ષ વચ્ચે થયું સમાધાન

પોલીસે જણાવ્યું હતું કે, યુવક માનસિક રીતે નબળો છે. એટલા માટે વરમાળા દરમિયાન વિવાદની સ્થિતી ઉભી થઈ. બંને પક્ષ વચ્ચે સમાધાન થઈ ગયું છે. હવે કોઈ પણ પ્રકારનો વિવાદ થાય તેવી સંભાવના નથી.