ઓહો! / આ બાઇકના ભાવમાં એક ઝાટકે 28000 રૂપિયાનો ઘટાડો, ગણતરીની મિનીટમાં થઇ ગઇ SOLD OUT!

• ફૂલ ચાર્જ થયા બાદ આપશે અંદાજે 150 કિલોમીટરની રેન્જ 
• પ્રતિ કલાકે 85 કિ.મી.ની સ્પીડથી દોડવામાં છે સક્ષમ 
• ઇલેક્ટ્રિક બાઇકમાં ત્રણ રાઇડિંગ મોડની છે સિસ્ટમ 

ઇલેક્ટ્રિક બાઇક RV400ને લઈ યંગસ્ટર્સમાં જબરદસ્ત ક્રેઝ જોવા મળી રહ્યો છે. બાઇકનો લૂક અને તેના ફીચર્સ અત્યંત શાનદાર છે. હાલના સમયમાં   વધતાં જતાં પેટ્રોલના ભાવના કારણે લોકો ઇલેક્ટ્રિક બાઇક તરફ આકર્ષિત થઈ રહ્યા છે. તેથી લોકો માટે RV400 એક વધુ સારા વિકલ્પ તરીકે સામે આવ્યું છે. 

ફૂલ ચાર્જ થયા બાદ આપશે લગભગ 150 કિલોમીટરની રેન્જ 

આ ઇલેક્ટ્રિક બાઇક ફૂલ ચાર્જ થયા બાદ લગભગ 150 કિલોમીટરની રેન્જ આપવામાં સક્ષમ છે. આ બાઇકમાં કંપનીએ 3.24kwh લિથિયમ-આયન બેટરીનો ઉપયોગ કર્યો છે, જે પ્રતિ કલાકે 85 કિ.મી.ની ટોપ સ્પીડથી દોડવામાં સક્ષમ છે. 

ઇલેક્ટ્રિક બાઇકમાં ત્રણ રાઇડિંગ મોડની છે સિસ્ટમ 

RV400માં ત્રણ રાઇડિંગ મોડની સિસ્ટમ છે, જેવી કે ઇકો, નોર્મલ, અને સ્પોર્ટ. આ ઇલેક્ટ્રિક બાઇક ઇકો મોડમાં 45kmphની ટોપ સ્પીડ અને 156kmની રેન્જ આપે છે. જ્યારે નોર્મલ મોડમાં 65 kmphની ટોપ સ્પીડ અને 110kmની રેન્જ આપે છે. તે ઉપરાંત સોર્ટ્સ મોડમાં 65kmphની ટોપ સ્પીડ અને 80kmની રેન્જ આપે છે. 

દેશના 6 શહેરોમાં થઈ રહ્યું છે RV400નું વેચાણ 

હાલ કંપની આ ઇલેક્ટ્રિક બાઇકને દિલ્હી, મુંબઈ, પૂણે, ચેન્નઈ, અમદાવાદ અને હૈદરાબાદમાં વેચી રહી છે. હરિયાણાના માનેસર મેન્યુફેક્ચરિંગ પ્લાન્ટથી બાઇક ડિસપોસ કરવામાં આવે છે. સરકારી સબ્સિડી બાદ RV400ની કિંમત રૂપિયા 28 હજાર સુધી ઘટી ગઈ છે. કંપની આ ઇલેક્ટ્રિક બાઇકનું ફક્ત ઓનલાઇન બુકિંગ સ્વીકારી રહી છે. ગ્રાહકો કંપનીની ઓફિશિયલ વેબસાઇટ (https://www.revoltmotors.com)પર બાઈકના બૂકીંગ વિષેની સંપૂર્ણ માહિતી મેળવી શકે છે. ગ્રાહકોને બુકિંગના સમયે માત્ર 7,999 રૂપિયાનું ડાઉન પેમેન્ટ કરવાનું રહેશે.   

કેન્દ્ર સરકારે ઇલેક્ટ્રિક વ્હીકલસની સબ્સિડીમાં કર્યો છે વધારો 

કેન્દ્ર સરકાર દ્વારા FAME-II સ્કીમ હેઠળ ઇલેક્ટ્રિક વ્હીકલસ માટેની સબ્સિડીમાં વધારો કરવામાં આવ્યો છે. જેનો લાભ કંપનીએ ગ્રાહકોને આપ્યો છે.   
દિલ્હીમાં Revolt RV400ની કિંમત ઘટીને 90,799 રૂપિયા થઈ ગઈ છે, જે અગાઉ 1,18,999 રૂપિયા હતી. અમદાવાદમાં Revolt RV400ની કિંમત ઘટાડા બાદ 87,000 રૂપિયા થશે.