બ્રેકિંગ ન્યુઝ

logo

VTV / Revenue officers instructed to tighten their GST collection drive amid economic slowdown

Tax / સરકારે અધિકારીઓને તોતિંગ ટેક્સ ઉઘરાવવા ટાર્ગેટ આપ્યા? આ વખતે આટલો GST ટેક્સ વસુલવો

Shalin

Last Updated: 04:16 PM, 18 December 2019

logo

FOLLOW ON

logo

શેર કરો

logo logo logo
article-logo

ટેક્સ કલેક્શનના મામલે ભારે અછતનો સામનો કરી રહેલી કેન્દ્ર સરકારે રેવન્યુ અધિકારીઓને કમર કસવાની સૂચના આપી છે. મંગળવારે સરકારે આ નાણાકીય વર્ષના બાકી રહેલી 4 મહિનાની ટેક્સની રકમમાં GST અધિકારીઓને તોતિંગ 4.55 લાખ કરોડ ઉઘરાવવાનો ટાર્ગેટ આપ્યો છે.

  • હાલના માસિક કલેક્શન કરતા 10% વધુનો ટાર્ગેટ 
  • દિવાળી પછી મંદી ઓછી થઇ હોવાની સરકારને આશા 
  • અધિકારીઓએ ઉઘરાણી કરવાની પણ પજવણી કરવાની ના

રેવન્યુ સેક્રેટરી અજય ભૂષણ પાંડેએ ટોચના Central Board of Indirect Taxes and Customs (CBIC) અધિકારીઓને સૂચના આપી છે કે આગામી 3 મહિના સુધી દર મહિને 1.1 લાખ કરોડ રૂપિયા અને ચોથા મહિનાથી તોતિંગ 1.25 લાખ કરોડની રકમ ઉઘરાવવામાં આવે. નોંધનીય છે કે આ આંકડા માસિક સરેરાશ કરતા 10% વધુ છે. એપ્રિલ થી નવેમ્બર 2019નું માસિક ટેક્સ કલેક્શન આશરે 1 લાખ કરોડ જેટલું હતું.

મંદીના કારણે ઉદ્યોગપતિઓ પર કેટલું દબાણ કરવું?

જો કે અધિકારીઓને આ ઉઘરાણી દરમિયાન પજવણી ન કરવામાં આવે તેની પણ ચેતવણી અપાઈ છે. દિવાળી પછી બજારમાં ગ્રાહકની માંગમાં વધારો નોંધાયો છે તેવી નાણા મંત્રાલયની ગણતરી છે આથી ટેક્સના ટાર્ગેટ વધારાયા છે. સરકાર આ વર્ષે ટેક્સ રેવન્યુમાં 11%નો વધારો ઇચ્છતી હતી. જો કે ઇકોનોમિક સ્લો ડાઉનના પગલે ઉદ્યોગપતિઓ ઉપર કેટલું દબાણ મૂકવું તે મુદ્દે અધિકારીઓ અવઢવમાં હતા.

અધિકારીઓ કકડાઈથી વર્તશે, GST રજીસ્ટ્રેશન પણ રદ કરી શકે

સૂત્રોના મતે આ વખતે અધિકારીઓ આવક અને બિઝનેસની ઇન્ફોર્મેશન જાહેર ન કરવા વાળા વેપારીઓ તરફ લાલ આંખ કરવાના છે. આ વખતે ટેક્સ ભરનાર દ્વારા GSTR1 અને GSTR3B એવા બે ફોર્મ ફરજિયાત ભરાય તેનું ધ્યાન રાખવાની અધિકારીઓને સુચના અપાઈ છે. આ ફોર્મ ન ભરનાર લોકોના વિરુદ્ધમાં કડક પગલા લેવાશે જેમાં તેમનું e-way બિલ બ્લોક કરવું, ઈનપુટ ટેક્સ ક્રેડિટ બ્લોક કરવી અને GST રજીસ્ટ્રેશન રદ કરવા સુધીના પગલાનો સમાવેશ થઇ શકે છે.

સંકળાયેલા મુદ્દાઓ

GST Revenue revenue officer tax collection આર્થિક મંદી ઇકોનોમિક સ્લોડાઉન ટેક્સ ટેક્સ ઉઘરાણી ટેક્સ કલેક્શન TAX
background
logo

VTV Gujarati

WhatsApp Channel Invite

સબસ્ક્રાઇબ કરો

દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.

logo

સૌથી વધુ વંચાયેલું

ADVERTISEMENT

log

હોમ પેજ

log

બ્રેકિંગ ન્યુઝ

log

વીડિયોઝ

log

વેબ સ્ટોરીઝ

log

મેનુ