આવક / સુરત RTO ની આવક 300 કરોડે પહોંચી, ટ્રાફિક દંડની રકમનો આંકડો સાંભળીને ગલોટિયું ખાઈ જશો

• સુરત RTOની આવકમાં થયો વધારો
• કોરોનાકાળ બાદ RTOની આવક 300 કરોડ થઈ
• પસંદગીના નંબર માટે લોકોએ 9.97 કરોડ ખર્ચ્યા

લાયસન્સ ફી પેટે 12.57 કરોડ જયારે ટ્રાફિક દંડ 3.41 કરોડ વસૂલાયો

સુરત RTO વર્ષ 2021-22માં 300 કરોડ રૂપિયાની આવક થવા પામી છે. જેમાં ડ્રાઈવિંગ લાયસન્સ  રિન્યુઅલ, ડુપ્લિકેટ સહિતની ફી પેટે રૂપિયા 12.57 કરોડ રૂપિયા અને ટ્રાફિકના નિયમ તોડવા બદલ સુરતીઓએ 3.41 કરોડ રૂપિયાનો દંડ ભર્યો છે. આ સાથે નવા વાહનની ખરીદીની રજીસ્ટ્રેશન ફી પેટે 42.50 કરોડ મળ્યા

ડિટેઈન કરેલા વાહનો પાસે 68.85 કરોડ રૂપિયા વસૂલ્યા હતાં

RTOની સૌથી મોટી આવક ટેક્સની છે. બસ, ટ્રક સહિતના ભારે વાહનોનો વાર્ષિક ટેક્સ વસૂલવામાં આવે છે. આ દરમિયાન વર્ષ 2021-22માં સુરત RTOને આ લમસમ ટેક્સ પેટે 176.83 કરોડ રૂપિયાની આવક થઈ હતી. જ્યારે ઈન્સપેક્ટરોએ વાહન ચેકિંગ કરી ડિટેઈન કરેલા વાહનો પાસે 68.85 કરોડ રૂપિયા વસૂલ્યા હતાં. 

સુરતીઓએ પસંદગીના નંબર માટે 9.97 કરોડ ખર્ચ્યા 

પસંદગીના નંબર ખરીદવામાં રાજ્યભરમાં પ્રથમ રહ્યાં છે. છેલ્લા ઘણાં સમયથી પસંદગીનો નંબર મેળવવા માટેનો ક્રેઝ ઓછો થતો જાય છે. આમ છતાં સુરત RTOને પસંદગીના નંબર પેટે એક વર્ષમાં 9.97 કરોડ રૂપિયાની આવક થઈ હતી.