ગાંધીનગર મહેસૂલ વિભાગના કર્મચારીઓ 11 જેટલી પડતર માગણીને લઇ ગાંધીનગર કલેક્ટર કચેરી ખાતે ધરણા પર બેઠા છે.
ગાંધીનગર જિલ્લામાં મહેસૂલ વિભાગમાં 300 જેટલા કર્મીઓ ફરજ બજાવે છે. ત્યારે વર્ગ 3ના કર્મચારીઓ પોતાની માગોને લઇ ધરણા પર બેઠા છે. કર્મચારીઓની માગ છે કે, રેવન્યુ તલાટી પોસ્ટ રદ કરી પંચાયત મંત્રી કેડરમાં સમાવેશ કરવામાં આવે. આ ઉપરાંત ક્લાર્કમાંથી પ્રમોશન પામેલા નાયબ મામલતદારને મૂળ જિલ્લામાં ફાળવણી કરાય અને વર્ષ 2015-16માં એલઆર્ક્યુ પાસ થયેલા 1500 કર્મચારીને નાયબ મામલતદારનું પ્રમોશન આપવામાં આવે.
આ સાથે જ એવી પણ માગ છે કે, નાયબ મામતદારથી મામલતદારની સિનિયોરિટી યાદી તૈયાર કરવી અને જિલ્લા ફેરબદલી કિસ્સામાં મૂળ તારીખથી મેરીટ મુજબ સિનિયોરિટી નક્કી કરવી. ક્લાર્ક કેડરના કર્મચારીને નાયબ મામાલદારમાં પ્રમોશન આપવું અને પ્રમોશન બાદ જિલ્લા જગ્યા ખાલી હોય તો તે જિલ્લામાં સમાવેશ કરવો. ભરતી કે પ્રમોશન પહેલા જિલ્લા ફેરબદલી કેમ્પનું આયોજન કરવું અને ત્રિપલ સીની પરીક્ષામાંથી છૂટછાટ આપવાની માંગ કરી છે.