અમદાવાદ ધોલેરા એક્સપ્રેસ વેના મુદ્દે રાજ્યના મહેસુલ વિભાગ દ્વારા ખેડૂતોને નોટીસ ફટકારવામાં આવી છે. આ નોટીસ આ એક્સપ્રેસ વે માટે જમીન સંપાદનના મુદ્દે ફટકારવામાં આવી છે. અંદાજીત 200 જેટલા ખેડૂતોને આ નોટીસ મોકલવામાં આવી છે જેમાં અમદાવાદ જીલ્લાના બાવળા તાલુકાના કાવિઠા ગામના ખેડૂતો મોટાભાગે સામેલ છે.
જમીન સંપાદન મુદ્દે ખેડૂતોને અપાઈ નોટીસ
અમદાવાદ-ધોલેરા એક્સપ્રેસ વેના મુદ્દે અપાઈ નોટીસ
સસ્તા ભાવે જમીન પડાવી લેવાની ખેડૂતોનો આક્ષેપ
અમદાવાદ ધોલેરા એક્સપ્રેસ વેના મુદ્દે રાજ્યના મહેસુલ વિભાગ દ્વારા ખેડૂતોને નોટીસ ફટકારવામાં આવી છે. આ નોટીસ આ એક્સપ્રેસ વે માટે જમીન સંપાદનના મુદ્દે ફટકારવામાં આવી છે. અંદાજીત 200 જેટલા ખેડૂતોને આ નોટીસ મોકલવામાં આવી છે જેમાં અમદાવાદ જીલ્લાના બાવળા તાલુકાના કાવિઠા ગામના ખેડૂતો મોટાભાગે સામેલ છે.
સરકારની આ કાર્યવાહીને લઈને સ્થાનિક ખેડૂતોમાં ઉગ્ર રોષ જોવા મળ્યો હતો. તેમણે આક્ષેપ પણ કર્યો હતો કે, વર્તમાન ભાજપ સરકારને તેમની કોઈ દરકાર નથી. ખેડૂતોના હિતોની રક્ષક હોવાના દાવા કરતી આ સરકાર તેમની જમીનોને સસ્તા ભાવે પડાવી લેવા માંગે છે. જે માટે અમદાવાદ ધોલેરા એક્સપ્રેસ વેનું નામ આગળ ધરવામાં આવી રહ્યું છે. આમ એકબાજુ જ્યાં હાલમાં કોરોનાના પગલે લોકોની આવક ઓછી થઈ રહી છે, ડીમાંડ ઘટી રહી છે, ત્યારે કોરોના અને કુદરત બંનેનો માર વેઠ્યા છતાં પણ અડગ મનોબળ વાળા જગતના તાત માટે સરકાર દરકાર કરવાની જગ્યાએ નોટીસો ફટકારવામાં વ્યસ્ત છે.
શું છે અમદાવાદ ધોલેરા એક્સપ્રેસ વે પ્રોજેક્ટ?
અમદાવાદ જીલ્લાના ધોલેરા SIR એટલે કે સ્પેશીયલ ઇન્વેસ્ટમેન્ટ રીજન અને અમદાવાદ સીટીને જોડતો આ 110 કિલોમીટરનો એક્સપ્રેસ વે પ્રોજેક્ટ રાજ્યનો હાલનો સૌથી મોટો સિંગલ રોડ ઇન્ફ્રાસ્ટ્રક્ચર પ્રોજેક્ટ છે. આ પ્રોજેક્ટ દ્વારા ધોલેરા SIRની સાથે જ પ્રસ્તાવિત ધોલેરા ઈંટરનેશનલ એરપોર્ટ અને ભાવનગર, અમરેલી અને અમદાવાદ જીલ્લાના કાંઠાળ વિસ્તારોને રોડ કનેક્ટિવિટી પૂરી પાડવામાં આવશે.
આ પ્રોજેક્ટની જાહેરાત રાજ્યના માર્ગ અને મકાન વિભાગ દ્વારા માર્ચ ૨૦૧૦માં કરવામાં આવી હતી. જેના ત્રણ સેકશન માટે બાદમાં NHAI (નેશનલ હાઈ વે ઓથોરીટી ઓફ ઇન્ડિયા ) દ્વારા ૨૪૩૧ કરોડના ખર્ચે ટેન્ડર બહાર પાડવામાં આવ્યા હતાં. આ પ્રોજેક્ટની અંદાજીત ખર્ચની રકમ પહેલા 2200 કરોડ સુધીની અંકાઈ હતી જે બાદમાં વધીને 3000 કરોડની કરવામાં આવી હતી.