શોધ / કોરોના સામે લડવા અમદાવાદના વૈજ્ઞાનિકે બનાવ્યું એવું બોક્સ કે ઘરમાં આવતી કોઈપણ વસ્તુ થશે જીવાણુ મુક્ત

• અમદાવાદમાં ઈસરોના નિવૃત્ત વૈજ્ઞાનિકે બનાવ્યું અલ્ટ્રવાયોલેટ વેક્સિન ફ્રી ગ્રોસરી બોક્સ
• ઘરે બેસીને ઘરની વસ્તુઓમાંથી જ બનાવ્યું આ  બોક્સ
• જાણો આ  બોક્સ કઈ રીતે કામ કરે છે?

આપણે હવે કોરોના સાથે જીવતા શીખી જવું પડે એ સમયની માગ બની ગઈ છે. ત્યારે આવા સમયમાં ઘરમાં આવતી વસ્તુઓને કઈ રીતે જીવાણુ મુકત કરી શકાય તેને લઈને લોકો ચિંતામાં છે. તેવા સંજોગોમાં ઇસરોના નિવૃત્ત વૈજ્ઞાનિક  દીપક મારૂ એ અલ્ટ્રવાયોલેટ વેક્સિન ફ્રી ગ્રોસરી બોક્સ બનાવ્યુ છે જે અવનાર સમયમાં ખૂબજ મહત્વનું સાબિત થશે. 

આ અલ્ટ્રવાયોલેટ વેક્સિન ફ્રી ગ્રોસરી બોક્સ કઈ રીતે કામ કરે છે?

વૈજ્ઞાનિક દિપકભાઈએ આ બોક્સ માત્ર ઘરે બેસીને ઘરની વસ્તુઓમાંથી જ બનાવ્યું છે. જેમાં બહારથી માત્ર અલ્ટ્રા લાઈટ અને પલ્ગની ખરીદી કરી છે. તેઓનું કહેવું છે કે 300થી 500 રૂપિયામાં આ આખું બોક્સ મેં તૈયાર કર્યું છે જેમાં 99 ટકા વસ્તુઓ જીવાણુ કે કોરોના મુક્ત થાય છે.

કઈ રીતે બોક્સ બનાવવું તે લોકોને શીખવી દિધુ

અત્યારે યુરોપીય દેશોમાં આ પ્રકારના મશીનો હજારો રૂપિયામાં વેચાય છે. તેવા સંજોગોમાં ભારતમાં પણ આવા બોક્સ બને તે માટે અલગ અલગ કંપનીઓ કામ કરે છે. પરંતુ દિપકભાઈએ આ પ્રકારના બોક્સ માટે લોકોએ પૈસા ન ખર્ચવા પડે માટે જાતેજ કઈ રીતે બોક્સ બનાવવું તે લોકોને શીખવી દિધુ છે. આ બોક્સ બનાવવા માટે સાદું ખોખું, અલ્ટ્રા વાયરલેટ ટ્યુબ, Uv ટ્યુબ ચોક, T-5 કનેક્ટર, વાયર અને પ્લગનો ઉપયોગ કરવામાં આવ્યો છે. આ પ્રકારના બનાવેલા ખાસ બોક્સમાં વેજીટેબલ, કરીયાણું, છાપું, દૂધ, છાસ, મોબાઈલ, ચલણી નોટ, ધાતુની ચાવી, પાણી બોટલ જેવી તમામ વસ્તુઓ મૂકી શકાય છે જે માત્ર થોડા સમયમાં જ જંતુમુક્ત બની જાય છે.

કોરોનાએ સમગ્ર દુનિયામાં હાહાકાર મચાવ્યો છે. હજુ સુધી તેની વેક્સિન શોધ થઈ નથી. આથી જરૂરી છે કે લોકોએ જાતે જ સાવચેતી રાખવી પડશે. આવા સમયે આ પ્રકારની વૈજ્ઞાનિક પદ્ધતિ આપણા માટે જીવનરક્ષક બની શકે છે.