દુનિયાનો સૌથી ધનિક ખેલાડી માત્ર 36 મિનિટમાં કમાયા 1845 કરોડ રૂપિયા

બુધવારે ફોર્બ્સ મેગેઝિને સૌથી વધારે કમાણી કરનાર ખેલાડીઓની યાદી જાહેર કરી હતી. આશા અનુસાર અમેરિકન બોક્સર ફ્લોયડ મેવેદર આ યાદીમાં ટોપ પર છે. તેની કમાણી 1913.3 કરોડ રૂપિયા છે. તમને જાણીને આશ્રર્ય થશે કે આ રાશિનો મોટો ભાગ 1845.2 રૂપિયા કમાવવા માટે ફ્લોયડ મેવેદરને માત્ર 36 મિનિટનો સમય જ લાગ્યો હતો. આ રાશિ તેણે 27 ઓગ્સ્ટ 2017ના જીતી હતી.

ફ્લોયડ મેવેદર અને કૉનોર મેકગ્રેગર વચ્ચેની હાઇ પ્રોફાઇલ ફાઇટને બોક્સિંગના ઇતિહાસમાં અત્યાર સુધી સૌથી મોંઘી ફાઇટ માનવામાં આવે છે. આ ફાઇટ માટે  600 મિલિયન ડોલર (4000 કરોડ રૂપિયા) દાવ પર લાગ્યા હતા. આ ફાઇટ જીતવા માટે મેવેદરને 275 મિલિયન ડોલર એટલે કે  1845.2 કરોડ રૂપિયા મળ્યા હતા. લાસ વેગાસમાં થયેલ આ ફાઈટનું 220 દેશમાં લાઈવ સ્ક્રિનિંગ કરવામાં આવ્યું હતું.

રેકોર્ડ  67.1 અબજ રૂપિયાની કુલ કમાણી:
 

 

#mood video credit: @moneyyaya Music by: @otgenasis

A post shared by Floyd Mayweather (@floydmayweather) on Jun 1 2018 at 4:36pm PDT

એમએમએસ બોક્સર સાથે થયેલી આ ફાઈટથી મળેલા નાણાથી મેવેદરની કુલ સંપત્તિમાં જબરદસ્ત ઉછાળો આવ્યો. હવે તેમના કરિયરની કુલ કમાણી એક બિલિયન ડોલર (67.1 અબજ રૂપિયા)થી વધુ થઈ ગઈ છે. તેઓ ત્રીજા ખેલાડી છે જેમના કરિયરની કુલ કમાણી 10 આંકડામાં પહોંચી ગઈ હોય. મેવેદર સિવાય બાસ્કેટબૉલલ લેજન્ડ માઇકલ જોર્ડન અને ગોલ્ફટ ટાઇગર વૂડ્સ જ આવું કરી શકે છે. 

સતત એક્ટિવ રહે છે સોશ્યલ મીડિયા પર:
 

 

Congrats To All Of The Athletes Who Made The Forbes List. You All Are True Champions.

A post shared by Floyd Mayweather (@floydmayweather) on Jun 5 2018 at 4:10pm PDT

મેવેદર સોશ્યલ મીડિયા પર બહુ એક્ટિવ છે. તેઓ પૈસાના બિસ્તર પર ઊંઘવાની તસવીર ઈન્સ્ટાગ્રામ પર શેર કરતા રહે છે. લક્ઝરી કારના શોખીન આ બોક્સર વિશે કહેવામાં આવે છે કે એમને પૈસાનો દેખાડો કરવો બહુ પસંદ છે. એક વખત તો એમણે 4 મોડલને પૈસાની ગણતરી કરવામાં લગાવી દીધી હતી. એમના મિત્રોની યાદીમાં પોપ સ્ટાર જસ્ટિન બીબર જેવા લોકો સામેલ છે.

ક્યારેય નથી હાર્યો પ્રોફેશનલ ફાઇટ:
મેવેદરને પ્રોફેશનલ ફાઈટમાં અત્યાર સુધી કોઈ નથી હરાવી શક્યું. અત્યાર સુધી એમણે 50 ફાઈટ લડી છે અને બધી જ ફાઈટમાં જીત મેળવી છે. આ દરમિયાન તેમણે 27 વખત વિપક્ષીને નોકઆઉટ કર્યા છે જ્યારે માત્ર 23 મુકાબલામાં જ વિપક્ષી ખેલાડી એમની સામે ટકી શક્યા. જો કે હવે એમણે બોક્સિંગમાંથી સંન્યાસ લઈ લીધો છે.