મહિલા 'દીન' / જૂનાગઢમાં ભાંગતી બપોરે નિવૃત આર્મીમેને પત્ની પર ફાયરિંગ, મહિલા ઈજાગ્રસ્ત,પતિ દબોચાયો, કારણ ચોંકાવશે

• જૂનાગઢના આર્મીમાં ફરજ બજાવતા પતિએ કર્યુ ફાયરિંગ
• દાણાપીઠમાં ICDSની ઓફીસમાં પત્ની પર ફાયરિંગ 
• ઘર કંકાસના કારણે  પતિએ કર્યું પત્ની પર ફાયરિંગ 

જૂનાગઢમાં બપોરના સુમારે  નિવૃત આર્મીમેન પતિએ  પત્ની ઉપર ઘરકંકાસને લઈ ફાયરિંગ કર્યાની ઘટના ઘટતા  ચકચાર મચી છે. આ ઘટનામાં ઈજાગ્રસ્ત થયેલી અને આંગણવાડીમાં ફરજ બજાવતી પત્નીને સારવાર અર્થે હોસ્પિટલમાં ખસેડવામાં આવી છે.  પોલીસે  ફાયરિંગ કરનાર પતિને તાબડતોબ હથિયાર સાથે દબોચી લીધો હતો  

આ ઘટનાની  જાણવા મળતી વિગતો પ્રમાણે બપોરના અઢી વાગ્યાનાં સુમાર આસપાસ  દાણાપીઠ વિસ્તારમાં આંગણવાડીમાં કામ કરતા સ્મિતાબેન પોતાના કામ પર હતા  આ વેળા યુપીના મેરઠમાં અગાઉ ફરજ બજાવતા પતિએ ઘસી આવી પોતાની પત્ની સ્મિતા બેન  સાથે મારકુટ કરી ફાયરિંગ કર્યું હતું. પરિણામે સ્મિતાબેનને ગોળી વાગતા  ઇજા થઇ હતી.  ફાયરીંગની  આ ઘટનાથી ભારે ચકચાર મચી જવા પામી હતી. જ્યારે  ઇજાગ્રસ્ત  પરિણીતાનેસારવાર માટે સિવિલ હોસ્પિટલમાં ખસેડાઈ હતી.

કહેવાય છે કે,  ફાયરિંગ  પાછળ ઘરકંકાસ હોવાનું કારણ છે.  આ ઘટનાને લઈ આંગણવાડી પર ધસી આવેલી  પોલીસે ગણતરીના સમયમાં ફાયરિંગ કરનાર નિવૃત આર્મીમેન પતિને ઝડપી પાડ્યો હતો. એ  ડિવિઝન પોલીસ સ્ટાફે  ધોરણસરની કાર્યવાહી હાથ ધરી હતી