CPI આધારિત રિટેલ ઇન્ફલેશનમાં વધારો થયો છે. ઇન્ફલેશન સપ્ટેમ્બરમાં 7.34% રહ્યું છે જે ઓગસ્ટમાં 6.69% રહ્યું હતું.
આ રિટેલ ઇન્ફલેશનના વધારા પાછળનું મુખ્ય કારણ શાકભાજીના ભાવમાં વધારો છે. નોંધનીય છે કે સતત છઠ્ઠા મહિને ઇન્ફલેશન રેટ RBIના કમ્ફર્ટ લેવલ કરતા ઉંચો રહ્યો છે. સરકારે આ રેટને કાબૂમાં લાવવા મોનિટરી પોલિસી કમિટી (MPC)ની રચના કરી છે.
કોરોનાના વધતા કેસની સામે સપ્લાય ચેન ખોરવાઈ ગઈ
ફૂડ બાસ્કેટના ભાવમાં સપ્ટેમ્બરમાં 10.68%નો વધારો થયો હતો જે ઓગસ્ટમાં 9.05% હતો. આ ડેટા નેશનલ સ્ટેટેસ્ટિકલ ઓફિસ (NSO) દ્વારા રિલીઝ કરવામાં આવ્યો છે. લોકડાઉન પૂરું થઇ ગયું હોવા છતાં દેશમાં કોરોનાના વધતા કેસની સામે સપ્લાય ચેન ખોરવાઈ ગઈ છે.
સતત વધી રહેલા ભાવોને કારણે સ્લોડાઉનમાં રહેલી ઇકોનોમીને ફટકો પડ્યો છે. ડેમેજ કંટ્રોલ માટે RBIએ તેઓ કી પોલિસી રેપો રેટ બદલ્યા વિનાનો 4% રાખવાનો નિર્ણય લીધો છે. શક્તિકાંત દાસનું કહેવું છે કે બજારમાં ધીમે ધીમે લોકોની માનસિકતા અને માંગમાં વધારો થવાથી રિટેલ ઇન્ફલેશન ભવિષ્યમાં ટાર્ગેટ લેવલની નજીક રહેશે તેવું લાગી રહ્યું છે.
ઓગસ્ટના ઇન્ડસ્ટ્રીયલ પ્રોડક્શનમાં 8% ઘટાડો
બીજા એક ડેટાસેટ પ્રમાણે ઓગસ્ટના ઇન્ડસ્ટ્રીયલ પ્રોડક્શનમાં 8% ઘટાડો થયો છે. આ પાછળનું મુખ્ય કારણ મેન્યુફેકચરિંગ, માઈનિંગ અને પાવર જનરેશનમાં આઉટપુટનો ઘટાડો છે.
ઇન્ડેક્સ ઓફ ઇન્ડસ્ટ્રીયલ પ્રોડક્શન IIPના ડેટા અનુસાર મેન્યુફેકચરિંગ સેક્ટરમાં 8.6%, માઈનિંગમાં 9.8% અને પાવર સેગ્મેન્ટમાં 1.8%નો ઘટાડો થયો છે.