ઓક્ટોબરમાં રિટેલ ફૂગાવાનો દર વધીને 4.62 ટકા થઇ ગયો છે. જે ગત 15 મહીનામાં સૌથી વધારે છે. સરકાર તરફથી બુધવારે જાહેર કરવામાં આવેલા આંકડાઓ મુજબ મુખ્ય રૂપે ખાવા-પીવાની વસ્તુઓની કિંમતમાં વધારો થવાને કારણે રિટેલ ફુગાવાનો દર વધ્યો છે. સપ્ટેમ્બરમાં રિટેલ ફુગાવાનો દર 3.99 ટકા હતો.
ઓક્ટોબરમાં રિટેલ ફૂગાવાનો દર વધીને 4.62 ટકા થયો
રિટેલ ફૂગાવાનો દર વધીને 15 મહીનામાં સૌથી ઉચ્ચ સ્તરે
સપ્ટેમ્બરમાં રિટેલ ફુગાવાનો દર 3.99 ટકા હતો
જો ગત વર્ષના ઓક્ટોબર મહીનાની વાત કરવામાં આવે તો, ત્યારે રિટેલ ફુગાવાનો દર 3.38 ટકા હતો. ઓક્ટોબરમાં ખાદ્ય પદાર્થોમાં ફુગાવો વધીને 7.89 ટકા હતો. જ્યારે ગત મહીનામાં આંકડો 5.11 ટકા હતો.
આરબીઆઇએ રિટેલ ઇન્ફ્લેશનને 4 ટકાની આસપાસ રાખવાનું લક્ષ્ય રાખ્યું છે. પરંતુ જે રીતે ખાવા-પીવાની વસ્તુઓની કિંમતોમાં વધારો થયો છે. તેથી રિટેલ ફુગાવાનો દર આરબીઆઇ (RBI) ના 4 ટકાના લક્ષ્યથી વધારે રહ્યો છે, જે ચિંતાજનક બની શકે છે.
ગત કેટલાક મહીનાઓથી રિટેલ ફુગાવોમાં સતત વધારો થયો છે. આ વર્ષે મેમાં રિટેલ ફુગાવો દર 1.83 ટકા હતો જે ઓક્ટોબરમાં વધીને 7.89 ટકા થઇ ગયો છે. 2012 સુધી ફુગાવો દર સરેરાશ 5.98 ટકા રહ્યો હતો. પરંતુ નવેમ્બરમાં તે 12.17 ટકા ઉચ્ચ સ્તરે પહોંચી ગયો હતો. જુન 2017માં રિટેલ ફુગાવો દર 1.54 ટકાના રેકોર્ડ નીચા સ્તરે પહોંચી ગયો હતો.