ગૂડ ન્યૂઝ / આમ આદમીને મોટી રાહત, તહેવારોમાં મોંઘવારી કાબુમાં, સપ્ટેમ્બરમાં આ વસ્તુઓના ઘટ્યા ભાવ

• તહેવારોમાં મોંઘવારીના મોરચે મોદી સરકાર માટે રાહતની ખબર 
• સપ્ટેમ્બરમાં ખાદ્ય ચીજવસ્તુઓના ભાવમાં થયો મોટો ઘટાડો
• છૂટક મોંઘવારી દર ઘટીને 4.45 ટકા થયો 

ઓગસ્ટની તુલનાએ સપ્ટેમ્બરમાં ખાદ્ય ચીજવસ્તુઓના ભાવમાં ઘટાડાને પગલે છૂટક મોંઘવારી દર ઘટીને 4.45 ટકા પર આવી ગયો છે. ઓગસ્ટમાં છૂટક મોઘવારી દર 5.3 ટકા હતો. એપ્રિલ 2021 પછી સૌથી ઓછો મોઘવારી દર સપ્ટેમ્બરમાં રહ્યો છે.

મંગળવારે જારી સરકારી આંકડા અનુસાર Consumer Price Index આધારિત મોઘવારી ઓગસ્ટ 2021 માં 5.30 ટકા હતી જ્યારે સપ્ટેમ્બર 2020 માં 7.27 ટકા હતી. 

નેશનલ સ્ટેટિકલ ઓફિસ તરફથી 12 ઓક્ટોબરે સપ્ટેમ્બરના છૂટક મોંઘવારી દરના આંકડા બહાર પડાયા છે.  જારી આંકડા અનુસાર ખાવાપીવાની ચીજવસ્તુઓ સસ્તી થવાને કારણે છૂટક મોઘવારી દરમાં ઘટાડો નોંધાયો છે. આંકડા અનુસાર મોઘવારી દર સપ્ટેમ્બરમાં ઘટીને 0.68 ટકા રહ્યો જ્યારે ઓગસ્ટમાં આ આંકડો 3.11 ટકા હતો. 

RBI વ્યાપ પ્રમાણે છે મોંઘવારી દર 
ભારતીય રિઝર્વ બેન્કે તેની લેટેસ્ટ મોનિટરી નીતિ સમિક્ષામાં મોંઘવારી રેટનું અનુમાન 5.3 ટકા કર્યું છે જોકે પહેલા આ રેટ 5.7 ટકો હતો. આ વખતે મોઘવારી દર આરબીઆઈના ટાર્ગેટના વ્યાપમાં છે. તેનાથી રિઝર્વ બેન્કને પણ મોટી રાહત મળશે. 

ઈન્ડસ્ટ્રીયલ પ્રોડક્શનમાં પણ સુધારો
ઈન્ડસ્ટ્રીયલ પ્રોડેકશન મોરચે પણ સારી ખબર છે. છૂટક મોંઘવારીમાં ઘટાડાની ઉપરાંત IIP (Index of Industrial Production)  પણ ઓગસ્ટ મહિનામાં 11.9 ટકા થયો છે. જુલાઈમાં આ 11.5 ટકો હતો. 

સપ્ટેમ્બરમાં કઈ ખાદ્ય ચીજવસ્તુઓના ઘટ્યા ભાવ
- લીલા શાકભાજી અને ફળો
- દાળ-કઠોળ
- બીજી ખાદ્ય ચીજવસ્તુઓ