રિઝલ્ટ / ધોરણ-12 સાયન્સનું પરિણામ જાહેર, રાજકોટ 84 ટકા સાથે રાજ્યમાં પ્રથમ

આ વખતે 12 સાયન્સમાં કુલ 1 લાખ 47 હજાર 320 વિદ્યાર્થીઓએ પરીક્ષા આપી હતી. જેમાંથી સૌથી વધુ અમદાવાદ, વડોદરા અને રાજકોટના વિદ્યાર્થીઓ છે. ધોરણ -12 સાયન્સનું પરિણામ સવારે 8 કલાકે GSEBની વેબસાઈટ www.gseb.com પર જાહેર કરવામાં આવ્યું છે. 
 

ગુજરાત બોર્ડનુ ધોરણ-12 સાયન્સનુ પરિણામ જાહેર થયુ છે. સાયન્સની સાથે ગુજકેટનુ પણ પરિણામ જાહેર થયુ છે. પરિણામ જાહેર થતા વિદ્યાર્થીઓનાં ખુશીનો માહોલ જોવા મળ્યો હતો. રાજકોટ 84 ટકા પરિણામ સાથે રાજ્યમાં પ્રથમ રહ્યું છે. રાજકોટ જિલ્લાના વિદ્યાર્થીઓમાં ઉત્સાહનો માહોલ સર્જાયો છે. મીઠાઇ વેચીને વિદ્યાર્થીઓએ ઉજવણી કરી. ડી.જેના તાલે વિદ્યાર્થીઓ ઝુમ્યા હતા.

ધોરણ 12 સાયન્સમાં કુલ 1.23 લાખ વિદ્યાર્થીઓ પરીક્ષા આપી હતી. કુલ 71.90 ટકા પરિણામ આવ્યું છે. જેમાં વિદ્યાર્થીઓનું પરિણામ 71.83 જ્યારે વિદ્યાર્થીનીઓનું પરિણામ 72 ટકા પરિણામ આવ્યું છે. રાજકોટ જિલ્લો 84 ટકા સાથે પ્રથમ ક્રમાંકે રહ્યો છે. છોટા ઉદેપુર જિલ્લાનું સૌથી નબળુ પરિણામ આવ્યું છે. 100 ટકા પરિણામ ધરાવતી 35 શાળાઓ રહી. 49 શાળાઓનું પરિણામ 10 ટકા કરતા ઓછુ રહ્યું. સૌથી ઓછુ બોડેલી કેન્દ્રનું 27 ટકા પરિણામ આવ્યું છે. 

ગુજરાતી માધ્યમનું પરિણામ ૭૧.૦૯ પરિણામ જ્યારે અંગ્રેજી માધ્યમનું પરિણામ ૭૫.૧૩ ટકા પરિણામ આવ્યું છે. એ ગ્રુપનું પરિણામ ૭૮.૯૨ ટકા પરિણામ અને બી ગ્રુપનું ૬૭.૨૬ ટકા પરિણામ આવ્યું છે. ૧૦૦ ટકા પરિણામ ધરાવતી શાળઓમાં ઘટાડો નોંધાયો છે. 155 દિવ્યાંગ વિધાર્થીઓ પરીક્ષામાં સફળ થયા છે.

વિદ્યાર્થીઓને સ્કૂલમાં 10 વાગ્યા પછી પરિણામ મળશે. આ વર્ષે અમદાવાદ શહેર-ગ્રામ્યમાંથી કુલ 17 હજાર 761 વિદ્યાર્થીઓએ પરીક્ષા આપી હતી. તો ડાંગ -આહવામાં સૌથી ઓછા 310 વિદ્યાર્થીઓએ પરીક્ષા આપી હતી. પોરબંદરમાંથી 606 અને દેવભૂમિ દ્વારકામાંથી 470 વિદ્યાર્થીઓએ પરીક્ષા આપી હતી.