રીઝલ્ટ / આવતીકાલે ધોરણ-10નું પરિણામ, 11.59 લાખ વિદ્યાર્થીઓએ આપી હતી પરીક્ષા

જેમાં 7,054,65 વિદ્યાર્થીઓ અને 4,54,297 વિદ્યાર્થિનીઓ હતી. આ ઉપરાંત 6,222 ફિઝિકલ ડિસેબલ વિદ્યાર્થીઓએ પરીક્ષા આપી હતી. જ્યારે સૌથી વધુ અમદાવાદ શહેર અને ગ્રામ્યમાં વિદ્યાર્થીઓ નોંધાયા હતા. ધો-10માં અમદાવાદ શહેર-ગ્રામ્યમાં 1,23,487 વિદ્યાર્થીઓ પરીક્ષા આપી હતી.

ઉલ્લેખનીય છે કે રાજ્યમાં ધોરણ-10ની પરીક્ષા શાંતિપૂર્ણ યોજાઇ હતી. તમામ પરીક્ષા કેન્દ્રો પર સીસીટીવી કેમેરાની વ્યવસ્થા ગોઠવવામાં આવી હતી. પરીક્ષા દરમિયાન કેન્દ્રની આસપાસ ઝેરોક્ષોની દુકાનો બંધ રાખવા સૂચના આપવામાં આવી હતી.  સંવેદનશીલ કેન્દ્રો પર વર્ગ-2 ના અધિકારીઓને ઓબર્ઝવેશન માટે તૈનાત કરવામાં આવ્યાં હતા. વાહન વ્યવહાર સમયસર મળે તેવી પણ રાજયસરકાર દ્વારા વ્યવસ્થા કરવામાં આવી હતી.