ફાયદાની વાત / બંધ પડેલી પોલિસીને ડિસ્કાઉન્ટ સાથે ફરી કરો શરૂ, LIC આપી રહ્યું છે શાનદાર તક, જાણો શું છે ઓફર

• LICની આપી રહ્યું છે ખાસ તક 
• જૂની બંધ પડેલી પોલિસી ફરી શરૂ કરો 
• જાણો તેના વિશે બધુ જ 

જો તમે પણ LICની પોલિસી લેવા માંગો છો તો તમારી પાસે એક શાનદાર તક છે. જ્યાં તમે બંધ પડેલી LICને ફરી ડિસ્કાઉન્ટની સાથે લઈ શકો છો. હકીકતે LICએ રિવાઈવલ કેમ્પેન શરૂ કર્યું છે જે હેઠળ 23 ઓગસ્ટથી 22 ઓક્ટોબરની વચ્ચે 2021ની વચ્ચે પોતાની લેપ્સ LICની પોલિસીને ફરી શરૂ કરી શકો છો. તેના પર ગ્રાહકોને LIC છૂટ પણ આપી રહી છે. 

જાણો રિવાઈવલ કેમ્પેન કઈ રીતે કરે છે કામ? 
LIC દ્વારા શરૂ કરવામાં આવેલી પ્રેસ રિલીઝમાં કહેવામાં આવ્યું છે કે સ્પેસિફિક એલિજિબલ પ્લાનની પોલિસિઓના અમુક નિયમો અને શરતોની સાથે પહેલા અનપેડ પ્રીમિયમ પણ તારીખથી પાંચ વર્ષની અંદર રિવાઈવ કરવામાં આવી શકે છે. જે પોલિસી પ્રીમિયમ પેઈન્ગ ટર્મ વખતે ખતમ થઈ ચુકી છે અને પોલિસીનો સમયગાળો પુરો નથી થયો તે આ કેમ્પેનમાં રિવાઈઝ થવા યોગ્ય છે. જોકે ટર્મ ઈશ્યોરન્સ અને હાઈ રિસ્ક વાળા પ્લાનને બહાર રાખવામાં આવ્યો છે. 

જાણો LICએ શું કહ્યું ? 
LICએ જણાવ્યું કે હાલના સમયને જોતા ચુકવેલા કુલ પ્રીમિયમના આધાર પર ટર્મ ઈન્શ્યોરન્સ અને હાઈ રિસ્ક વાળા પ્લાન્સ ઉપરાંત બીજા માટે લેટ ફીમાં છુટછાટ આપવામાં આવી રહી છે. જોકે મેડિકલ જરૂરિયાતો પર કોઈ છુટછાટ નથી આપવામાં આવી. 

લેટ ફી પર મળશે છૂટ 
એક લાખ રૂપિયા સુધી કુલ રિસિવેબલ પ્રીમિયમ માટે લેટ ફીમાં 20 ટકાની છૂટ આપવામાં આવશે. જોકે કંશેસન એમાઉન્ટ 2,000 રૂપિયાથી વધારે ન હોવું જોઈએ. 
1-3 લાખ રૂપિયાના કુલ રિસિવેબલ પ્રીમિયમ માટે 2,500  રૂપિયાથી વધારેની લેટ ફીમાં 25 ટકાની છુટછાટ આપવામાં આવશે. કુલ રિસિવેબસ પ્રીમિયમ 3 લાખ રૂપિયાથી વધારે હોવાની સ્થિતિમાં, લેટ ફીમાં 30 ટકાની છુટની અનુમતિ છે. પરંતુ કંશેસન એમાઉન્ટ 3,000 રૂપિયાથી વધારે ન હોઈ શકે.