ચાર તબક્કાના દેશવ્યાપી લૉકડાઉન પૂરાં થવા છતાં ભારતમાં કોરોના વાયરસના દર્દીઓની સંખ્યામાં સતત વધારો થઈ રહ્યો છે. જેને લઈને ભારત એશિયામાં કોરોનાના સૌથી વધુ કેસ ધરાવતા દેશોની યાદીમાં નંબર 1ના સ્થાને આવી ગયું છે. જોકે, કોવિડ-19 દર્દીઓની વિશ્વની યાદીમાં ભારત ભારત હજુ 9માં સ્થાને છે. અત્યાર સુધી ભારતમાં કુલ 1,60,310 પોઝિટિવ કેસ નોંધાયા છે જે કોઈ પણ એશિયન દેશ કરતા વધારે છે.
દેશમાં વકરી રહ્યો છે કોરોનાનો કહેર
એશિયાના દેશોમાં ભારત ટોચ પર
વિશ્વમાં ભારત 9 મા સ્થાને
ભારતમાં સૌથી વધારે કેસની વાત કરીએ તો મહારાષ્ટ્ર ટોચના સ્થાને છે. મહારાષ્ટ્રમાં સૌથી વધુ 56,948 કોરોનાના કેસ નોંધાયા છે. જ્યારે એશિયન દેશોમાં કોરોના વાયરસના કેસની વાત કરીએ તો ટોપ-10ની યાદીમાં ભારત બાદ તુર્કી, ઈરાન, ચીન, સાઉદી અરબ, પાકિસ્તાન, કતર, બાંગ્લાદેશ, સિંગાપોર અને યુએઈનો સમાવેશ થાય છે. કોરોના વાયરસનો ઉદ્દભવ ચીનના વુહાન શહેરમાં થયો છે પરંતુ આશ્ચર્યની વાત એ છે કે ચીનમાં કોરોનાના કેસની સંખ્યા એક લાખની નીચે છે. ચીન એશિયન દેશોની યાદીમાં ચોથા ક્રમે છે. જ્યારે દુનિયામાં તેનો ક્રમ 14મો છે. ભારતમાં કોરોનાનો કહેર ચીન કરતાં પણ વધુ છે.
ભારત અને ચીનની સરખામણી
કોરોનાના કારણે ભારતમાં ચીનથી પણ વધારે મોત થયા છે. એશિયામાં સૌથી વધુ મોત ઈરાનમાં થયા છે અને ભારત બીજા નંબરે છે. આશ્ચર્યની વાત એ છે કે ચીનમાં કોરોનાના કેસની સંખ્યા એક લાખની નીચે છે. ચીન એશિયન દેશોની યાદીમાં ચોથા ક્રમે છે. જ્યારે દુનિયામાં તેનો ક્રમ 14મો છે. ભારતમાં કોરોનાનો કહેર ચીન કરતાં પણ વધુ છે.
હાલમાં વિશ્વમાં કોવિડ -19ના કુલ 58.50 લાખ કેસ છે. તેમાંથી એકલા અમેરિકામાં 17.33 લાખ કેસ છે. વિશ્વના આશરે 30% કેસ યુ.એસ. માં છે. જ્યારે બ્રાઝિલ બીજા અને રશિયા ત્રીજા સ્થાને છે. બ્રાઝિલમાં લગભગ 4.14 લાખ અને રશિયામાં 3.70 લાખ કેસ નોંધાયા છે.
તુર્કીમાં નોંધાયા છે 1.60 લાખ કેસ
ભારત વિશ્વના 9મા સ્થાને અને મોટા ભાગના કિસ્સાઓમાં એશિયામાં પ્રથમ નંબરે પહોંચી ગયું છે. વર્લ્ડમીટર્સ વેબસાઇટ મુજબ ગુરુવારે ભારતમાં 5 હજારથી વધુ નવા કેસ નોંધાયા છે. વેબસાઇટ અનુસાર રાત્રે 10 વાગ્યા સુધીમાં અહીં કેસની કુલ સંખ્યા વધીને 1.63 લાખ થઈ ગઈ છે. તે એશિયન દેશોમાં સૌથી વધુ છે. 1.60 લાખ કેસ સાથે તુર્કી બીજા નંબરે છે. બુધવારે તુર્કીમાં ભારત કરતા વધુ કેસ હતા.
ચીન પહોંચ્યું 15મા નંબરે
સૌથી વધારે કેસમાં પહેલાં 8 નંબર સુધી યૂરોપ અને અમેરિકી મહાદ્વીપના દેશનો નંબર છે. પહેલા 3 નંબરે અમેરિકા, બ્રાઝિલ અને રશિયા છે. ત્યારપછી ના 5 યૂરોપિયન દેશમાં સ્પેન, બ્રિટેન, ઈટલી, ફ્રાંસ અને જર્મની છે. ટોપ 10માં એશિયાના ફક્ત 2 દેશ ભારત અને તુર્કી છે. ઈરાન 11મા સ્થાને, પેરુ 12મા સ્થઆન, કનાડા 13મા ક્રમે, ચીલી 14 અને ચીન 15મા નંબરે છે.
પાકિસ્તાન 6ઠ્ઠા ક્રમે
એશિયાની વાત કરીએ તો ઈરાન 1.43 લાખ કેસ સાથે ત્રીજા નંબરે છે. ત્યારબાદ ચીનનો નંબર આવે છે. ચીનમાં લગભગ 83 હજાર કેસ છે. સઉદી અરબ પાંચમા અને પાકિસ્તાન છઠ્ઠા ક્રમે છે. અહીં ક્રમશઃ 80 હજાર અને 61 હજાર કેસ આવ્યા છે. કતર સાતમા ક્રમે, બાંગ્લાદેશ આઠમા ક્રમે અને સિંગાપુર 9મા ક્રમે અને યૂએઈ 10મા નંબરે છે.