કોરોના વાયરસે લગભગ છેલ્લા 6 મહિનાથી દુનિયાભરમાં હાહાકાર મચાવ્યો છે. લગભગ દરેક દેશ તેની ઝપેટમાં આવી ચૂક્યા છે. અમેરિકા, રશિયા, બ્રિટન જેવા વિકસિત દેશ પણ આ મહામારીની સામે અસહાય સાબિત થયા છે. દુનિયામાં અત્યાર સુધી 4.72 લાખ લોકો આ કારણે પોતાનો જીવ ગુમાવી ચૂક્યા છે. તો લગભગ દોઢ લાખ નવા કેસ રોજ સામે આવી રહ્યા છે. આ અઠવાડિયે કોરોના એટલો ભયાનક રહ્યો કે તે લાખથી કરોડમાં પહોંચવા જઈ રહ્યો છે. આ અઠવાડિયે દુનિયામાં કુલ 1 કરોડ કોરોનાના પોઝિટિવ કેસ હોઈ શકે છે. તેમાંથી 5 લાખથી વધારે સંખ્યા ભારતીયોની હશે.
કોરોનાના વધતો વિસ્ફોટ
કોરોનાના કેસની સંખ્યા 27 જૂને થઈ શકે છે 1 કરોડને પાર
4.72 લાખ લોકોએ કોરોનાથી ગુમાવ્યો છે પોતાનો જીવ
આવી રીતે 27 જૂને કેસની સંખ્યા પહોંચશે 1 કરોડને પાર
દુનિયામાં કોરોના પોઝિટિવ કેસની સંખ્યા 21 જૂને 91 લાખને પાર થઈ હતી. વર્લ્ડોમીટર અનુસાર સોમવારે મોડી રાતે દુનિયામાં કોરોના કુલ 91.20 લાખ કેસ હતા. 8.80 લાખ વધુ કેસ આવવાના કારણે આ સંખ્યા 1 કરોડને પાર પહોંચી શકે છે. દુનિયામાં 15-20 જૂનની વચ્ચે એટલે કે ફક્ત 6 દિવસમાં 9 લાખ કેસ આવ્યા છે. આ સ્થિતિ કાયમ રહેશે તો 27 જૂને દુનિયામાં કોરોનાના કેસની સંખ્યા 1 કરોડને પાર પહોંચશે.
કોરોના વાયરસ સાથે સંકળાયેલી છે આ 10 વાતો
દુનિયામાં સૌથી વધારે કેસ અમેરિકામાં લગભગ 23.70 લાખની છે. તેમાંથી લગભગ 1.22 લાખના મોત થયા છે.
બ્રાઝિલમાં લગભગ 11 લાખ કેસ છે. અમેરિકા તેની પછી સૌથી વધુ કેસ ધરાવે છે. અહીં 50 હજાર લોકોના જીવ ગયા છે.
ભારતમાં લગભગ અત્યારે 4.40 લાખ કેસ છે. 26 જૂન સુધીમાં આ આંકડો 5 લાખ કેસને પાર કરશે.
દુનિયામાં કોરોનાનો રિકવરી રેટ 47 ટકા છે. જ્યારે 48.90 લાખ લોકો કોરોના સંક્રમણ બાદ સ્વસ્થ થઈ ચૂક્યા છે.
દુનિયામાં 4.72 લાખ લોકો કોરોનાના કારણે જીવ ગુમાવી ચૂક્યા છે. આ સંખ્યા 27 જૂને 5 લાખને પાર કરી જશે.
દુનિયામાં 185 દેશમાં કોરોનાના કારણે મોત થયા છે. સૌથી વધારે મોત યૂરોપમાં એટલે કે લગભગ 1.87 લાખ જેટલા છે.
ભૂટાન, વિયતનામ, યુગાન્ડા, મંગોલિયા, નામીબિયા, લાઓસ, ફિઝી, મકાઉ સહિત 27 દેશોમાં કોરોનાના કારણે કોઈ મોત થયા નથી.
દુનિયામાં સૌથી વધુ એટલે કે 2.87 કરોડ ટેસ્ટ અમેરિકામાં થયા છે. ભારતમાં 70 લાખ લોકોના ટેસ્ટ થયા છે.
દુનિયામાં આ મહામારીથી ડેથ રેટ 60 (પ્રતિ 10 લાખ) છે. ભારતમાં 10, બાંગ્લાદેશમાં 9 અને પાકિસ્તાનમાં 16 છે.
દુનિયાના 10 દેશોમાં 2 લાખ કે તેનાથી વધારે કેસ છે તેમાં અમેરિકા, બ્રાઝિલ, રશિયા, ભારત, બ્રિટેન, સ્પેન, પેરૂ, ચિલી, ઈટાલી અને ઈરાન સામેલ છે.