અમેરિકન સેનાના વિમાનોનો ઉપયોગ દોરડાથી હિંચકો બાંધી ઝુલવા માટે કરે છે. વીડિયો જોઈ તમે હસી હસીને લોટપોટ થઈ જશો.
તાલિબાની અમેરિકાના ફાયટર પ્લેનનો ઉપયોગ મોજ મસ્તી માટે કરી રહ્યા છે
તાલિબાનીઓનો આ વીડિયો થઈ રહ્યો છે વાયરલ
તાલિબાને વિમાનોના પાંખીએ દોરડુ બાંધીને અહીં હિંચકો બનાવ્યો
તાલિબાની અમેરિકાના ફાયટર પ્લેનનો ઉપયોગ મોજ મસ્તી માટે કરી રહ્યા છે
અફઘાનિસ્તાનથી અમેરિકન સૈનિકોના નિકળ્યાના 10 દિવસથી વધારે થઈ ગયા છે. આંતરરાષ્ટ્રીય મીડિયામાં આ વાતની ચર્ચા સતત થઈ રહી છે કે શું અમેરિકન રાષ્ટ્રપતિ જો બાયડને ઉતાવળમાં પોતાના સૈનિકોને પહેલા ત્યાંથી બહાર કાઢ્યા. એવું લાગી રહ્યું છે કે અમેરિકાના આ નિર્ણયનો મઝાક ચીન પણ ઉડાવી રહ્યું છે. હકિકતમાં ચીની સરકારે એક અધિકારીએ સોશિયલ મીડિયા પર વીડિયો શેર કર્યો છે. જ્યાં તાલિબાનના જવાનો અમેરિકન સેનાના વિમાનોનો ઉપયોગ મોજ મસ્તી માટે કરી રહ્યા છે. જો કે આ વીડિયો અંગે તેમણે એ નથી જણાવ્યું કે આ ક્યારનો છે.
વિમાનોના પાંખીએ દોરડુ બાંધીને અહીં હિંચકો બનાવ્યો
લગભગ 50 સેકન્ડના આ વીડિયોમાં જોઈ શકાય છે કે અમેરિકાના અનેક જંગી વિમાનો તંગ સ્થિતિમાં ઉભા છે. તેજ વિમાનોના પાંખીએ દોરડુ બાંધીને અહીં હિંચકો બનાવવામાં આવ્યો છે. વીડિયોમાં 3-4 તાલિબાની જવાનો હિંચકા ખાતા જોવા મળી રહ્યા હતા. સાથે જોર જોરથી હસવાનો અવાજ પણ આવી રહ્યો છે. અમેરિકન સૈનિકોના ગયા બાદથી આ વીડિયો અફઘાનિસ્તાનના કયા શહેરમાં બનાવવામાં આવ્યો છે આ વાતની કોઈ જાણકારી નથી.
The graveyard of EMPIRES and their WAR MACHINES. Talibans have turned their planes into swings and toys..... pic.twitter.com/GMwlZKeJT2
વીડિયોને ટ્વીટ કરતા ચીનના સરકારી અધિકારીએ ઝાઓએ લખ્યું કે સામ્રાજ્યોના કબ્રસ્તાન અને તેમના યુદ્ધ મશીનો તાલિબાને પોતાના વિમાનોને હિંચકા અને રમકડામાં ફેરવી દીધા છે. તેમનો આ વીડિયો હવે સોશિયલ મીડિયા પર વાયરલ થઈ રહ્યો છે.
ક્યાં ગયા અમેરિકન હથિયાર
ગત દિવસોમાં એટલે કે જ્યારે 31 ઓગસ્ટે અમેરિકન સૈનિકો અફઘાનિસ્તાનથી બહાર જઈ રહ્યા હતા તો તે સમયે અનેક વીડિયો સામે આવ્યા હતા. જેમાં જોવા મળી રહ્યું છે કે અમેરિકન સૈનિક પોતાના હથિયારો અને વિમાનોને નષ્ટ કરી રહ્યા છે. જો કે આ બાદ એક સમાચાર એ પણ આવી રહ્યા હતા કે તાલિબાને અમેરિકાના એક વિમાનને અફઘાનિસ્તાનના પૂર્વ એન્જિનિયરની મદદથી સાજુ કરાવી લીધુ છે. બાદમાં આ વિમાનને તાલિબાને ઉપયોગમાં પણ લીધું.